Select a profile of your interest

Finance

Faoin bpróifíl ‘Airgeadas’, is féidir go n-earcófar thú i nGrúpaí Feidhme II, III agus IV agus go ndéanfaidh tú réimse leathan cúraimí. Mar shampla:

Má earcaítear thú i nGrúpa Feidhme II, is féidir go mbeidh sé de chúram ort comhaid airgeadais a ullmhú agus dualgas gníomhaire tionscnaimh a dhéanamh i réimse an airgeadais; cúnamh cléireachais agus riaracháin a thabhairt maidir le glaonna ar thograí/ar thairiscintí; cuidiú a thabhairt próiseáil faisnéise airgeadais agus tuairisciú airgeadais a dhéanamh; cúnamh a thabhairt i leith próisis chuntasóireachta agus cúraimí iniúchóireachta.

Má earcaítear thú i nGrúpa Feidhme III, is féidir go mbeidh sé de chúram ort plé le tionscnamh agus fíorú; tacaíocht a thabhairt i leith glaonna ar thograí agus ar thairiscintí; faisnéis airgeadais a bhainistiú; cúnamh a thabhairt i leith bainistiú cuntasóireachta agus iniúchóireachta.

Má earcaítear thú i nGrúpa Feidhme IV, is féidir go mbeidh sé de chúram ort a bheith páirteach i bpleanáil, tuairisciú, anailísiú, comhordú agus obair leantach i leith buiséad agus airgeadais; agus cúraimí a dhéanamh a bhaineann le hanailísiú iniúchóireachta agus tacaíocht iniúchóireachta.

Tá tuilleadh eolas le fáil ach cliceáil ar an gcnaipe thíos.

Tús a chur leis – An phróifíl ‘Airgeadais’

Project / Programme Management

Faoin bpróifíl ‘Bainistiú Tionscadal/Clár’, is féidir go n‑earcófar thú i nGrúpaí Feidhme III agus IV agus go ndéanfaidh tú réimse leathan cúraimí. Mar shampla:

Má earcaítear thú i nGrúpa Feidhme III, is féidir go mbeidh sé de chúram ort plé le pleanáil, monatóireacht, meastóireacht agus dúnadh tionscadal agus clár; cúraimí a dhéanamh a bhaineann le cumarsáid sheachtrach agus faisnéis don phobal, agus cúraimí nach iad.

Má earcaítear thú i nGrúpa Feidhme IV, is féidir go mbeidh sé de chúram ort glaonna ar thograí agus ar thairiscintí a chur chun cinn, a mheasúnú agus a chaibidliú; pleanáil, monatóireacht, meastóireacht agus dúnadh tionscadal agus clár a dhéanamh; a bheith páirteach i gcumarsáid inmheánach agus i gcumarsáid sheachtrach, agus cúraimí nach iad.

Tá tuilleadh eolas le fáil ach cliceáil ar an gcnaipe thíos.

Tús a chur leis – An phróifíl ‘Bainistiú Tionscadal/Clár

Secretaries / Clerks

Faoin bpróifíl 'Rúnaithe/Cléirigh', is féidir go n-earcófar thú i nGrúpa Feidhme II agus go ndéanfaidh tú réimse mór dualgas. Mar shampla:

Má earcaítear thú i nGrúpa Feidhme II, is féidir go ndéanfaidh tú cúraimí rúnaíochta, cuir i gcás cruinnithe a eagrú; comhaid a bhainistiú; misin a eagrú; monatóireacht a dhéanamh ar chomhfhreagras agus dialann coinní a choinneáil. Is féidir freisin go mbeidh tú ag cuidiú le dréachtú meamram, nótaí agus miontuairiscí cruinnithe mar aon le dualgais cur i láthair doiciméad, amhail leagan amach leathanach, formáidiú agus táblaí.

Tá tuilleadh eolais ar fáil ach cliceáil ar an gcnaipe thíos.

Cuir tús leis – An phróifíl 'Rúnaithe/Cléirigh'

Administration / Human Resources

Faoin bpróifíl 'Riarachán/Acmhainní Daonna', is féidir go n-earcófar thú i nGrúpaí Feidhme II, III nó IV agus go ndéanfaidh tú réimse leathan cúraimí. Mar shampla:

Má earcaítear thú i nGrúpa Feidhme II, is féidir go mbeidh tú ag tabhairt cúnaimh tascanna a dhéanamh a bhaineann le roghnú agus le hearcú: glaonna agus foilseacháin a sheoladh; iarratais a phróiseáil; boird roghnúcháin a eagrú; obair leantach a dhéanamh ar an méid a dhéanann na boird roghnúcháin; monatóireacht a dhéanamh ar fholúntais; rannchuidiú le hullmhú na ngníomhaíochtaí foghlama agus forbartha, agus leis an obair leantach a bhaineann leo.

Má earcaítear thú i nGrúpa Feidhme III, is féidir go mbeidh tú ag rannchuidiú le feidhmeanna riaracháin agus feidhmeanna bainistithe acmhainní daonna, bainistiú comhad roghnúcháin agus earcaíochta ina measc; cuidiú le hullmhú agus seoladh na gcleachtas ardaithe céime agus athchatagóirithe; rannchuidiú le ceapadh gníomhaíochtaí nua foghlama agus forbraíochta.

Má earcaítear thú i nGrúpa Feidhme IV, is féidir go mbeidh tú ag rannchuidiú le bunú agus cur chun feidhme pleananna bainistithe; maoirseacht a dhéanamh ar chomhaid roghnúcháin agus earcaíochta; tuairisciú tráthrialta agus anailísiú sonraí a chomhordú; maoirseacht agus fíorú a dhéanamh ar ghealltanais dlí agus airgeadais a bhaineann le tionscadail; comhairliú agus comhordú le seirbhísí ar bhonn a straitéisí bliantúla cumarsáide.

Tá tuilleadh eolais ar fáil ach cliceáil ar an gcnaipe thíos.

Cuir tús leis – An phróifíl 'Riarachán/Acmhainní Daonna'

Political Affairs / EU Policies

Faoin bpróifíl ‘Gnóthaí Polaitíochta/Beartais an Aontais Eorpaigh’, is féidir go n-earcófar thú i nGrúpaí Feidhme III agus IV agus go ndéanfaidh tú réimse leathan cúraimí. Mar shampla:

Má earcaítear thú i nGrúpa Feidhme III, is féidir go mbeidh sé de chúram ort obair leantach a dhéanamh ar fhorbairtí beartais; tuarascálacha nó nótaí labhartha faoi chomhaid bheartais a cheapadh; ceisteanna parlaiminte a phlé. Lena chois sin, is féidir go mbeidh sé de chúram ort a bheith páirteach in ullmhú cruinnithe le páirtithe leasmhara agus conclúidí beartais a dhréachtú; go ndéanfaidh tú ionadaíocht don institiúid nó don Ard-Stiúrthóireacht ag cruinnithe, faoi mhaoirseacht an Chinn Aonaid nó an oifigigh beartas.

Má earcaítear thú i nGrúpa Feidhme IV, is féidir go mbeidh sé de chúram ort monatóireacht agus tuairisciú a dhéanamh ar an staid pholaitiúil, eacnamaíoch agus shóisialta i dtír ar leith; a bheith páirteach in ullmhú cuairteanna agus misean ardleibhéil le tríú tíortha agus leis an tsochaí shibhialta; a bheith páirteach i gcruinnithe idirnáisiúnta agus i gcaibidliú comhaontuithe idirnáisiúnta. Lena chois sin, is féidir go mbeidh sé de chúram ort páipéir bheartais a scríobh faoin réimse a sannadh agus ceisteanna ó Chomhaltaí de Pharlaimint na hEorpa (feisirí Eorpacha) a fhreagairt.

Tá tuilleadh eolas le fáil ach cliceáil ar an gcnaipe thíos.

Tús a chur leis – An phróifíl ‘Gnóthaí Polaitíochta/Beartais an Aontais Eorpaigh’

Law

Faoin bpróifíl ‘Dlí’, is féidir go n-earcófar thú i nGrúpaí Feidhme III agus IV agus go ndéanfaidh tú réimse leathan cúraimí. Mar shampla:

Má earcaítear thú i nGrúpa Feidhme III, is féidir go mbeidh sé de chúram ort comhaid réamhdhlíthíochta a scrúdú; cúraimí a dhéanamh a bhaineann le himeachtaí cúirte; ráitis seasaimh a ullmhú; a bheith páirteach in anailísiú agus ullmhú dréacht-tuairimí agus nótaí dlí; dréachtfhreagraí ar iarrataí agus ar ghearáin a ullmhú a chuirfidh oifigigh agus gníomhairí faoi bhráid an Údaráis Ceapacháin.

Má earcaítear thú i nGrúpa Feidhme IV, is féidir go mbeidh sé de chúram ort ionadaíocht a dhéanamh don institiúid i ndíospóidí, agus más cuí, i gcásanna os comhair Chúirt Bhreithiúnais an Aontais Eorpaigh; comhairle agus tuairimí a thabhairt faoi cheisteanna dlí, ceisteanna institiúideacha agus ceisteanna nós imeachta; dréachtfhreagraí ar iarrataí agus ar ghearáin a dhréachtú a chuirfidh oifigigh agus gníomhairí faoi bhráid an Údaráis Ceapacháin.

Tá tuilleadh eolas le fáil ach cliceáil ar an gcnaipe thíos.

Tús a chur leis – An phróifíl ‘Dlí’

Translators

Faoin bpróifíl 'Aistritheoirí', is féidir go n-earcófar thú i nGrúpa Feidhme IV agus go mbeidh tú ag déanamh réimse leathan cúraimí. Mar shampla:

Má earcaítear thú i nGrúpa Feidhme IV, is féidir go mbeidh sé de chúram ort téacsanna a aistriú go dtí do phríomhtheanga ó dhá theanga eile ar a laghad (an Béarla agus/nó an Fhraincis den chuid is mó); aistriúcháin a athbhreithniú; comhairle theanga a thabhairt; tionscadail teanga agus sreabhadh oibre a bhainistiú; taighde téarmaíochta a dhéanamh agus bunachair téarmaí a chruthú agus a chothú, i measc tascanna eile.

Tá tuilleadh eolais ar fáil ach cliceáil ar an gcnaipe thíos.

Cuir tús leis – An phróifíl ‘Aistritheoirí’

Proofreaders

Faoin bpróifíl 'Profléitheoirí', is féidir go n-earcófar thú i nGrúpa Feidhme III agus go ndéanfaidh tú réimse leathan cúraimí. Mar shampla:

Má earcaítear thú i nGrúpa Feidhme III, is féidir go mbeidh sé de chúram ort téacsanna a phrofléamh agus a chur in eagar; feabhsuithe a mholadh; dréachtaí a ullmhú agus a sheiceáil lena bhfoilsiú i bhformáidí éagsúla agus sna meáin éagsúla; deimhin a dhéanamh de go bhfuil gnásanna agus rialacha stíle á gcomhlíonadh agus go bhfuil téacsanna i gcomhréir le Treoir Stíle Idirinstitiúideach an Aontais; cáilíocht na hoibre a dhéanann conraitheoirí seachtracha a sheiceáil.

Tá tuilleadh eolais ar fáil ach cliceáil ar an gcnaipe thíos.

Cuir tús leis – An phróifíl ‘Profléitheoirí’

Manual and administrative support workers

Faoin bpróifíl ‘Oibrithe tacaíochta láimhe agus riaracháin’, is féidir go n‑earcófar thú i nGrúpa Feidhme I agus go ndéanfaidh tú réimse leathan cúraimí. Mar shampla:

Má earcaítear thú i nGrúpa Feidhme I, is féidir go ndéanfaidh tú cúraimí tacaíochta láimhe agus riaracháin faoi mhaoirseacht oifigeach nó ball foirne sealadach. Is féidir go mbeidh tú ag obair i gceann de na poist seo a leanas laistigh de na hinstitiúidí: cúntóir cistine/cócaire; freastalaí; ball foirne stórais; ball foirne priontála; uiséir/freastalaí seomra cruinnithe/ball foirne tacaíochta oifige/bainisteoir doiciméad; bainisteoir foirgníochta; tiománaí; aistritheoir troscáin; uiséir sa Pharlaimint nó in institiúid eile; oifigeach slándála agus coisc; fáilteoir; riarthóir seachadta, teicneoir córas cumarsáide agus faisnéise/gníomhaire cáblaíochta.

Tá tuilleadh eolas le fáil ach cliceáil ar an gcnaipe thíos.

Tús a chur leis - Oibrithe tacaíochta láimhe agus riaracháin

Child care staff

Faoin bpróifíl 'Cúram Leanaí' is féidir go n-earcófar thú i nGrúpa Feidhme II chun dul ag obair sna réimsí seo a leanas:

Oideachasóir/feighlí linbh le haghaidh áiseanna tar éis am scoile agus áiseanna cúraim leanaí faoin aer do leanaí idir trí bliana go leith agus 14 bliana d’aois; múinteoir naíscoile; altra naíolainne/oibrí cúraim do leanaí idir 0-3 bliana d’aois i naíolann.

Tá tuilleadh eolais ar fáil ach cliceáil ar an gcnaipe thíos.

Cuir tús leis – An phróifíl 'Foireann cúraim leanaí'