Related FAQs

An aisíocfar na costais taistil?

Ní dhéanfaidh EPSO aon ranníocaíocht i leith aon speansas taistil a bhí ort de thoradh páirt a ghlacadh in aon triail ar ríomhaire ná in aon réamhtriail ná in aon triail idirmheánach (i.e. ceisteanna ilrogha, trialacha an inbhosca ríomhphoist agus trialacha aistriúcháin).Na hiarrthóirí dá dtabharfar cuireadh cás-staidéar nó triail scríofa a dhéanamh sa réimse agus a bhfuil seoladh cónaithe acu i dtír lasmuigh den Aontas Eorpach, beidh siad i dteideal ranníocaíocht a éileamh i leith a gcostas taistil, más cuid den ionad measúnaithe iad na trialacha sin (féach an fógra comórtais atá i gceist)....

Cá bhfuil tuilleadh eolais ar na trialacha le fáil?

Má tá liosta iomlán uait de thrialacha próisis roghnúcháin ar leith, féach an fógra comórtais nó an glao ar léiriú spéise.I roinn ar leith dár suíomh gréasáin tá samplaí de na saghsanna éagsúla trialacha a bhíonn le déanamh.Ní chuireann EPSO ar fáil aon ábhar réamhfhoghlama ná aon treoir maidir leis na trialacha a dhéanamh seachas na trialacha samplacha sin. Reáchtálann roinnt Ballstát cúrsaí chun náisiúnaigh de chuid an Aontais Eorpaigh a ullmhú le haghaidh chomórtais oscailte institiúidí an Aontais. Chun tuilleadh eolais a fháil féach an leathanach céanna.

Conas is féidir liom cur isteach ar ranníocaíocht le haghaidh costais taistil agus cothabhála?

An lá a bheidh trialacha an ionaid measúnaithe ar siúl, bíodh na nithe seo leat:na trí fhoirm thíosluaite (agus iad líonta isteach agus sínithe);cóip de do chárta aitheantais (an dá thaobh de más gá) nó de do phas;doiciméid taistil.Glacfar leo seo a leanas mar dhoiciméid tacaíochta:eitleán: pas bordála nó cóip de do thicéad (ní leor an sonrasc);traein, bus, bád: cóip de do thicéad (ní leor an sonrasc);carr: an bunleagan De bhille breosla agus/nó ticéad dola (ní féidir an dáta air a bheith níos mó ná 2 lá roimh an dáta a ghlacfaidh an t-iarrthóir páirt san ionad measúnaithe agus caithfidh sé...

Táim ag iompar clainne nó tá leanbh ar brollach agam agus tá ceisteanna agam faoi gcaoi a ndéanfaidh mé na trialacha roghnúcháin. Cé leis a rachaidh mé i dteagmháil?

Má tá tú ag iompar clainne le linn na tréimhse clárúcháin, féadfaidh tú do cheisteanna, d'ábhair imní nó d'iarrataí ar shocruithe speisialta a scríobh síos i d'fhoirm iarratais, agus dearbhú leighis a sheoladh léi ina bhfuil deimhniú go bhfuil tú ag iompar clainne agus an dáta atáthar ag súil a bhéarfar an leanbh duit.Má fhaigheann tú amach go bhfuil tú ag iompar clainne nó má bheirtear leanbh duit le linn thréimhse na dtrialacha, téigh i dteagmháil linn a luaithe is féidir agus tabhair dúinn an t-eolas thuasluaite agus dearbhú leighis ina bhfuil deimhniú ar an dáta breithe a bhfuiltear ag...

Tá míchumas nó riocht sláinte orm agus tá socruithe speisialta i dtaca leis na trialacha roghnúcháin de dhíth orm dá dheasca. Cad is ceart dom a dhéanamh?

Má tá socruithe speisialta i dtaca leis na trialacha roghnúcháin de dhíth ort de dheasca míchumais nó riocht sláinte, níl le déanamh agat ach an nós imeachta a leanúint atá leagtha amach ar an leathanach 'deiseanna comhionanna' chun d'iarratas ar shocruithe a chur isteach. Tá na cineálacha éagsúla socruithe is féidir a dhéanamh le fáil ansin freisin.Chun go ndéanfar socruithe réasúnta duit i dtaca leis na trialacha roghnúcháin, beidh ort dearbhú a chur ar fáil ina bhfuil deimhniú ar an míchumas nó an riocht sláinte atá ort agus a d'eisigh eagraíocht inniúil náisiúnta agus/nó speisialtóir.

Cad is ionad measúnaithe ann?

Is é is cuspóir don ionad measúnaithe measúnú a dhéanamh ar d'inniúlachtaí ginearálta agus/nó ar inniúlachtaí sonracha de do chuid trí ghníomhaíochtaí éagsúla a ndéanfaidh an bord roghnúcháin bailíochtú orthu: cás-staidéar, cleachtadh i ngrúpa, cur i láthair ó bhéal, agallamh struchtúrtha, agallamh sa réimse, triail inbhosca ríomhphoist. Tá mionsonraí faoi na trialacha agus faoi theangacha na dtrialacha san fhógra comórtais. Tá tuilleadh eolais faoi na hinniúlachtaí ginearálta le fáil anseo.Le linn gach cleachtaidh, déanfaidh ar a laghad beirt mheasúnóirí oilte breathnóireacht/measúnú...

Conas is féidir liom ullmhú don ionad measúnaithe?

Is cásanna ficseanúla ach réalaíocha ón ionad oibre iad na cásanna a mbeidh tú ag obair orthu.Beidh ort cur amach a bheith agat ar chúrsaí an Aontais Eorpaigh agus ar institiúidí an Aontais, sa chaoi gur féidir leat comhthéacs an cháis a thuiscint gan mhoill.Cuir do charachtar féin i láthair (léirigh na tréithe is fearr atá agat) agus déan iarracht sult a bhaint as an lá a oiread agus is féidir.Coinnigh d'aire ar do sprioc agus ar bheith díograiseach ó thús deireadh an lae.Glac páirt ghníomhach sna trialacha idirghníomhacha.Léigh nó éist leis na treoracha uile go haireach, teorainneacha ama...

Cé na hinniúlachtaí a chaithfidh iarrthóirí a léiriú le linn na dtrialacha?

Tá iarrthóirí éirimiúla tionscantacha, a bhfuil ardcháilíochtaí acu sa réimse i gceist ag teastáil ó na hinstitiúidí, iarrthóirí a bhfuil na hinniúlachtaí ginearálta seo thíos acu:Anailísiú agus réiteach fadhbanna: príomhphointí ceisteanna casta a aimsiú agus réitigh atá cruthaitheach, soiléir agus praiticiúil a cheapadhCumarsáid: cumarsáid chruinn shoiléir a dhéanamh, ó bhéal agus i scríbhinnObair ardcháilíochta a dhéanamh agus torthaí a bhaint amach: freagrachtaí a ghlacadh agus a bheith tionscantach ar mhaithe le hobair d'ardchaighdeán a dhéanamh, laistigh de nósanna imeachta atá leagtha...

Conas a fhéachtar chuige go gcaitear go comhionann le gach iarrthóir?

Sula gcuirtear tús leis an bpróiseas roghnúcháin, leagtar síos critéir mheastóireachta oibiachtúla i gcomhréir leis an bhfógra comórtais. Cuirtear na critéir sin i bhfeidhm go dian maidir le gach iarrthóir d'fhonn a chinntiú go gcaitear go comhionann le gach aon duine.

Cá bhfuil eolas breise le fáil faoi ábhar na dtrialacha?

Chomh maith leis an gcur síos atá san fhógra comórtais, tá samplaí le fáil ar ár leathanach tiomnaithe, ach ní fhoilsíonn EPSO leabhair, bileoga ná bróisiúir ina bhfuil ceisteanna chun cuidiú leis an ullmhúchán, leideanna maidir leis an scrúdú etc., seachas an t-eolas atá le fáil ar an suíomh gréasáin seo. Reáchtálann roinnt Ballstát cúrsaí chun náisiúnaigh de chuid an Aontais Eorpaigh a ullmhú le haghaidh chomórtais oscailte institiúidí an Aontais. Chun níos mó eolais a fháil féach an leathanach tiomnaithe sin.

Cad a tharlaíonn lá an ionaid measúnaithe?

Maireann an t-ionad measúnaithe lá iomlán (dhá lá in amanna). Tosaíonn sé de ghnáth i dtrátha 8.30 (beidh am na coinne go beacht ar an litir chuiridh) agus críochnaíonn sé i dtrátha 18.00.Ar theacht isteach duit gheobhaidh tú sceideal an lae.Beidh baill foirne de chuid EPSO ann chun fáilte a chur romhat agus tú a threorú i rith an lae.Nuair a thiocfaidh tú isteach ní mór duit na doiciméid a iarradh sa litir chuiridh a chur ar fáil.Ní mór teacht in am gan aon duine eile leat. Ní bheidh cead ag cairde ná ag gaolta fanacht san fhoirgneamh ná dul i dteagmháil leat le linn na dtrialacha.Má thagann...

Cad a tharlóidh tar éis an ionaid measúnaithe?

Nuair a bheidh an t-ionad measúnaithe thart, gheobhaidh tú aiseolas ón mbord roghnúcháin i bhfoirm pas inniúlachtaí, chomh maith le litir ina mbeidh do thorthaí foriomlána.Is éard atá sa phas inniúlachtaí:cur síos ginearálta ar an gcreat inniúlachtaí;forléargas ar do bhuanna agus ar do laigí;cur síos ar na príomhthorthaí de réir inniúlachta;do thorthaí i ngach inniúlacht.Chun críocha earcaíochta, beidh fáil ag ranna acmhainní daonna institiúidí an Aontais Eorpaigh ar phas inniúlachtaí na n-iarrthóirí ar éirigh leo.Gheobhaidh na hiarrthóirí ar éirigh leo tuilleadh eolais ar an bpróiseas...

Cad hiad rialacha iompair an ionaid measúnaithe?

Aon duine nach gcomhlíonann na rialacha iompair, cuirfear amach as an ionad measúnaithe é agus dícháileofar é ón gcuid eile den phróiseas roghnúcháin.Is ceart duit aon treoir ó fhoireann an ionaid measúnaithe a leanúint an t-am ar fad.Ní ceadmhach bia agus deoch a thabhairt isteach ach sa seomra feithimh.Ní mór na trialacha a dhéanamh agus gan aon áis ná trealamh d'aon saghas de chúnamh agat, seachas iad sin a chuirfear ar fáil duit san ionad measúnaithe.Na rudaí ar fad a bhfuil toirmeasc orthu (e.g. páipéar agus pinn, leabhair, leacht ceartúcháin, nótaí, treoracha, málaí cáipéisí, málaí,...

Cad a chaithfidh mé a thabhairt liom?

Iarrtar ar na hiarrthóirí na doiciméid seo a leanas a thabhairt leo lá an ionaid measúnaithe.An litir chuiridhGrianghraf aitheantais a glacadh le déanaí.Cruthúnas céannachta (e.g. cárta aitheantais bailí nó pas).Méaróg USB ar a bhfuil cóipeanna scanta de na doiciméid thuasluaite agus cóip scanta de d'iarratais iomlán mar a iarrtar agus mar a mhínítear san fhógra comórtais agus sa litir chuiridh.Na doiciméid a bhaineann le caiteachas taistil (más infheidhme).

Cé leis ar féidir liom dul i dteagmháil má bhíonn fadhb agam lá an ionaid measúnaithe?

Má bhíonn fadhbanna agat lá an ionaid measúnaithe, déan teagmháil leis na daoine seo:Sa Bhruiséil: oifig fáilte an ionaid measúnaithe, idir 8.00 agus 9.00, ag +32 (0)2 297 73 37 nó +32 (0)2 297 73 38I Lucsamburg:- fáiltiú fhoirgneamh an ionaid measúnaithe idir 8.00 agus 9.00 ag: +352 4303 2019- oifigí EPSO ag: +352 4303 4968 nó 352 4303 6116