Related FAQs

Cad is ceart dom a dhéanamh má fheictear dom nár caitheadh go cothrom liom i gcomórtas i ngeall ar na saintréithe a bhaineann liom?

Is mór ag EPSO an comhionannas agus an éagsúlacht agus bíonn sé ar a dhícheall féachaint chuige go bhfuil na deiseanna céanna ag na hiarratasóirí uile, go gcaitear ar an dóigh chéanna leo agus go bhfuil an rochtain chéanna acu ar a chuid seirbhísí.Má fheictear duit gur caitheadh leat ar dhóigh éagórach nó idirdhealaitheach i ngeall ar cheann de na saintréithe seo: gnéas, cine, dath, tionscnamh eitneach nó sóisialta, airíonna géiniteacha, teanga, reiligiún nó creideamh, tuairim pholaitiúil nó eile, ballraíocht i mionlach náisiúnta, maoin, breith, míchumas, aois nó treoshuíomh gnéasach, má...

Tá mé faoi mhíchumas agus bhí deacrachtaí agam suíomh gréasáin EPSO a rochtain agus/nó bhí deacrachtaí agam le linn an phróisis roghnúcháin a raibh mé páirteach ann. Cé leis ar ceart dom dul i dteagmháil chun mo chuid tuairimí agus moltaí a chur in iúl?

Is mór ag EPSO an inrochtaineacht. Bímid ag síorfhéachaint le feabhas a chur ar an dóigh a ndéanaimid cumarsáid agus ar ár bpróisis roghnúcháin.Ach más amhlaidh a bhíonn deacrachtaí agat a bhaineann le do chuntas EPSO nó shuíomh gréasáin EPSO a rochtain, iarraimid ort teagmháil a dhéanamh linn láithreach agus na deacrachtaí a mhíniú dúinn agus do chuid tuairimí agus moltaí a chur in iúl dúinn.Is mór ag EPSO aiseolas a fháil arae cuidíonn aiseolas linn feabhas a chur ar na seirbhísí a chuirimid ar fáil trína ndéanamh inrochtana ag cách.Má tá tuilleadh eolais uait faoin obair a dhéanann EPSO...

Cad iad na mionsonraí a chaithfidh mé a thabhairt sa ghearán?

Uimhir an chomórtais D'uimhir iarratais Mionsonraí an chinnidh a bhfuil tú ag cur ina aghaidh(e.g. gan cead a bheith agat bheith páirteach i gcomórtas toisc an dioplóma nó an taithí oibre gan a bheith ábhartha, a bheith róghearr nó gan baint a bheith acu le réimse an chomórtais; taithí oibre neamhleor, scór íseal sa scagthóir buanna ('talent screener') i gceann amháin nó níos mó de na ceisteanna sonracha, measúnú ar cheann de na hinniúlachtaí) An chúis atá leis an ngearán

Cad iad na cásanna inar féidir liom athbhreithniú a iarraidh?

Is féidir leat athbhreithniú a iarraidh ar aon chinneadh a rinne an Bord Roghnúcháin nó EPSO agus a bhfuil tionchar aige ar an dul chun cinn atá á dhéanamh agat ag céim ar bith den phróiseas roghnúcháin má mheasann tú go ndearnadh earráid ábhartha nó gur sáraíodh rialacha nós imeachta an chomórtais.

Cén cineál gearáin a bhaineann go sonrach le mo chás-sa?

Más iarrthóir thú a bhailíochtaigh iarratas ar cheann de chomórtais oscailte nó próisis roghnúcháin EPSO, tá tú i dteideal ceann ar bith de na cineálacha gearáin seo a dhéanamh.Féach an fógra comórtais chun forléargas iomlán a fháil ar na caíonna éagsúla ina bhféadfaidh tú gearán a chur isteach.

An féidir liom gearán riaracháin a dhéanamh (faoi Airteagal 90) sula bhfaighidh mé an freagra ar an iarraidh ar athbhreithniú (maidir leis an ábhar céanna)?

Ní féidir. Má mheastar go bhfuil gá le gearán riaracháin, is ceart é a dhéanamh i ndiaidh duit an freagra a fháil. Caithfidh gearán riaracháin faoi Airteagal 90 bheith bunaithe ar chinneadh a dhéanann dochar do do stádas dlí mar iarrthóir, i.e. sa chás seo an Bord Roghnúcháin cinneadh a dhéanamh gan glacadh le hiarraidh ar athbhreithniú. Trí mhí ó fhógairt an chinnidh is mian leat a chonspóid, sin é an teorainn ama atá ann le gearán a dhéanamh faoi Airteagal 90.

An féidir liom cás a thabhairt os comhair na cúirte?

Is féidir le gach iarrthóir cás a thabhairt os comhair na cúirte i gcoinne cinneadh a rinne an Bord Roghnúcháin nó an tÚdarás Ceapacháin agus a rinne dochar dá stádas dlí mar iarrthóir.Ní mór an t-achomharc a chur faoi bhráid an Bhinse um Sheirbhís Shibhialta an Aontais Eorpaigh faoi cheann trí mhí ó fhógairt an chinnidh ar mian leis an iarrthóir cur ina choinne.Is féidir leis an mBinse um an tSeirbhís Shibhialta cinneadh ar cuireadh ina choinne a chur ar ceal ach ní féidir leis é a leasú.

An féidir liom cóip de na critéir mheasúnúcháin, den scéim mharcála, de script mharcáilte nó de shonraí na marcála a fháil?

Ní féidir. Tá na nithe sin clúdaithe ag rúndacht imeachtaí an Bhoird Roghnúcháin faoi mar atá leagtha síos sna Rialacháin Foirne.

Cad is ceart a dhéanamh má tá aithne ag iarrthóir ar dhuine de bhaill an Bhoird Roghnúcháin?

Is ceart don iarrthóir EPSO a chur ar an eolas láithreach sa chaoi is go bhféadfar na bearta is gá a dhéanamh, chun aon choimhlint leasa a sheachaint.

An féidir liom gearán a chur faoi bhráid an Ombudsman?

Is féidir le gach iarrthóir gearán a chur faoi bhráid an Ombudsman faoi cheann dhá bhliain ón dáta a rinneadh na gníomhartha míriaracháin atáthar a mhaíodh a rinneadh.

An féidir liom cóip neamh-mharcáilte de thriail scríofa/phraiticiúil a rinne mé a fháil?

Is féidir, ach amháin sa chás ina mbeidh sé beartaithe ábhar na trialach a úsáid arís. Ina leithéid de chás, cuirfear sin in iúl san fhógra comórtais agus/nó sa chuireadh chun trialach.

Tá iarraidh ar athbhreithniú curtha isteach agam agus níl freagra faighte agam fós, ar cheart dom meabhrú a chur?

Má fuair tú adhmháil le cur in iúl go bhfuarthas do ghearán, níor cheart duit meabhrú a chur mura bhfuil am suntasach caite ó chur tú isteach é.Is féidir go mbeidh roinnt seachtainí i gceist chun freagraí ar athbhreithnithe a ullmhú. Ní mór don Bhord Roghnúcháin teacht le chéile chun cinneadh a dhéanamh faoi, agus is ina dhiaidh sin amháin a dhéantar freagraí a ullmhú agus a chur.

Cad a tharlódh dá ligfí isteach sa chomórtas arís mé tar éis athbhreithniú a dhéanamh, ach go mbeadh an comórtas bogtha ar aghaidh go dtí an chéad chéim eile cheana?

Dá ligfeadh an Bord Roghnúcháin isteach sa chomórtas arís thú tar éis athbhreithniú a dhéanamh, thiocfá ar ais isteach ag an gcéim céanna ónar cuireadh amach thú, ainneoin cé chomh fada a bheadh an comórtas bogtha ar aghaidh idir an dá linn.