Related FAQs

Kif nevalwa l-livell tal-lingwi tiegħi?

Għal kull waħda mil-lingwi tiegħek (inkluża l-lingwa materna), nitolbuk tevalwa dawn it-tliet ħiliet lingwistiċi permezz tat-tabella ta’ awtovalutazzjoni li tagħmel parti mill-formola ta’ applikazzjoni: komprensjoni, diskors, kitba. Kull ħila lingwistika għandha tiġi valutata minn A1 (livell bażiku) sa C2 (livell espert).Il-livell l-aktar baxx tat-tliet ħiliet jitqies biex jiġi stabbilit jekk tistax tagħmel it-testijiet b’din il-lingwa (ara t-tabella tal-eżempju hawn taħt). Ġeneralment, nirrikjedu tal-anqas livell B2 għat-testijiet (ara l-avviż ta’ kompetizzjoni)....

Il-kandidati jistgħu jiddeċiedu huma stess liema hi l-lingwa materna tagħhom?

L-EPSO ma jimponi ebda regola jew restrizzjoni f’dan ir-rigward.Hu impossibbli għall-bord ta’ selezzjoni li jivverifika l-lingwa materna tal-kandidat, peress li din mhux dejjem tikkorrispondi maċ-ċittadinanza. Xi kandidati jista’ jkollhom diversi lingwi materni, u xi kandidati jistgħu jippreferu li jagħmlu testijiet bil-lingwa tax-xogħol tagħhom ta’ kuljum, aktar milli bil-lingwa li jitkellmu, jew li kienu jitkellmu, f’pajjiżhom.L-istituzzjonijiet qablu li hu aktar ġust li d-deċiżjoni dwar il-lingwa tat-testijiet titħalla f’idejn il-kandidati nfushom.

Tista’ tatini eżempju ta’ kif l-EPSO se jagħżel il-lingwi?

Ejjew nieħdu dawn il-kandidati:KandidatiLingwi indikati fl-applikazzjoni fil-livell meħtieġ (Parti 1)Lista tal-lingwi (u n-numru ta’ kandidati li ddikjarawhom) f’ordni dixxendentiLingwi li dan il-kandidat jista’ jiddikjara bħala l-lingwa 2RosarioEN, IT, ES, PTEN (5)DE (3)FR (3)ES (2)IT (2)EL, GA, PL, PT, NL, CS, SK, FI, DA, SV (1)EN, IT, ESJeanEL, EN, FREN, FRMaureenGA, ENENPiotrPL, EN, DEEN, DESamuelFR, IT, ESFR, IT, ESGertrudDE, NLDEMariaCS, SKSkwalifikatiJari-PekkaFI, DA, SV, ENENMathieuEN, FR, DEEN, FR, DE Il-ħames lingwi l-aktar rikjesti f’dan l-eżempju huma: l-Ingliż (5), il-Franċiż u l...

X’inhu e-tray?

Eżerċizzju e-tray hu simulazzjoni bbażata fuq il-kompjuter ta’ sitwazzjoni reali ta’ xogħol u jirreplika inbox tal-emails li fiha informazzjoni relatata ma’ kwistjoni partikulari. Il-kandidati jeħtieġu jsibu soluzzjonijiet bl-aħjar mod possibbli f'tul ta’ ħin stipulat. L-eżerċizzju jsir bit-tieni lingwa tal-kandidat u hu mfassal sabiex jittestja erba’ kompetenzi:Analiżi u Soluzzjoni tal-ProblemiTwassil ta’ Kwalità u RiżultatiPrijoritizzazzjoni u OrganizzazzjoniĦidma mal-Oħrajn

X’xogħol se nagħmel jekk niġi reklutat permezz ta’ din il-kompetizzjoni?

Din hi kompetizzjoni għal profil ġeneralist, dan ifisser li mhix għal post speċifiku, iżda pjuttost għal amministratur kapaċi li jaħdem fi kwalunkwe tip ta’ settur tal-politiki tal-UE.Jekk tiġi reklutat f’dan il-grad wara l-kompetizzjoni, se tkun taħdem bħala parti minn tim f’wieħed mill-oqsma ta’ xogħol li ġejjin fl-istituzzjonijiet tal-UE:1. formulazzjoni tal-politika,2. twassil operazzjonali,3. maniġment tar-riżorsi.Sib aktar informazzjoni hawnhekk.

X’jiġri jekk ma nitkellem ebda waħda mil-lingwi proposti minn EPSO?

Dawk il-kandidati li jkunu għażlu waħda mill-ħames lingwi magħżula mill-Istituzzjonijiet fl-ewwel parti tal-applikazzjoni biss se jiġu mistiedna biex ikomplu bl-applikazzjoni għall-kompetizzjoni. Jekk ma jkollokx tal-inqas waħda minn dawn il-ħames lingwi, se tiġi eliminat. Abbażi tal-analiżi tagħna ta’ kompetizzjonijiet preċedenti, qed nistennew rata baxxa ħafna ta’ eliminazzjoni minħabba din ir-raġuni, peress li kważi l-kandidati kollha jafu tal-inqas waħda mill-aktar lingwi komuni għall-Ewropej.Għalhekk, hu importanti li tagħżel il-lingwi kollha li titkellem u li int ippreparat li tagħmel...

X’inhuma l-kompetenzi li l-kandidati għandhom juru waqt it-testijiet?

L-istituzzjonijiet qed ifittxu kandidati b’talent, motivati u kkwalifikati ħafna fil-qasam tagħhom, u li jistgħu juru li għandhom dawn il-kompetenzi ġenerali li ġejjin:Analiżi u Soluzzjoni tal-Problemi: Jidentifikaw fatti kritiċi fi kwistjonijiet kumplessi u jiżviluppaw soluzzjonijiet kreattivi u prattiċiKomunikazzjoni: Jikkomunikaw b'mod ċar u preċiż kemm oralment kif ukoll bil-miktubTwassil ta’ Kwalità u Riżultati: Jieħdu responsabbiltà u inizjattiva personali biex jagħmlu xogħol ta' standard u kwalità għolja fi ħdan proċeduri speċifiċiTagħlim u Żvilupp: Jiżviluppaw u jtejbu l-ħiliet...

Qed nirriskja li nagħmel it-testijiet taċ-ċentru/tal-fażi ta' evalwazzjoni tiegħi ma’ kompetituri li jagħmlu t-testijiet bil-lingwa materna tagħhom. Dan mhux inġust?

Il-bord tas-selezzjoni mhux se jivvaluta l-profiċjenza fil-lingwa: ebda punt ma jiżdied (jew jitnaqqas) għal-livell tal-lingwa. Ir-rwol taċ-ċentru/fażi ta’ evalwazzjoni hu li jivvaluta l-kandidati fuq il-bażi tal-kompetenzi tagħhom biss (ara l-avviż tal-kompetizzjoni) u mhux li jqabbel il-kandidati ma’ xulxin.

Għaliex tipproponi ħames lingwi għall-fażi taċ-Ċentru ta’ Evalwazzjoni u mhux l-24 lingwa uffiċjali kollha?

Hu essenzjali li jkun hemm numru limitat ta’ lingwi veikolari biex jiġi żgurat li l-kandidati u l-bord ta’ selezzjoni jistgħu jikkomunikaw ma’ xulxin u li r-rekluti futuri jistgħu jaħdmu mal-kollegi futuri tagħhom.In-numru ta’ lingwi proposti mill-EPSO joħloq bilanċ bejn ir-riżorsi loġistiċi u finanzjarji fuq naħa, u x-xewqa li jitħallew massimu ta’ kandidati biex jipparteċipaw fil-kompetizzjoni fuq in-naħa l-oħra. Biex ikun hemm aktar lingwi (jekk mhux il-lingwi kollha) jinvolvi sforz addizzjonali, disproporzjonat meta mqabbel man-numru tal-kandidati addizzjonali li jkunu jistgħu għalhekk...

Għaliex il-kandidati ma jiġux obbligati jużaw lingwa differenti mil-lingwa materna għaċ-ċentru ta’ evalwazzjoni?

Minħabba li l-kunċett ta’ lingwa materna hu diffiċli biex jiġi definit (xi kandidati jitkellmu diversi lingwi f’livell għoli, filwaqt li oħrajn għandhom biss għarfien limitat tal-lingwa materna tagħhom u jippreferu jagħmlu t-testijiet bil-lingwa li jużaw is-soltu), l-EPSO għalhekk għażel li jittestja l-kandidati b’lingwi li huma komuni għal maġġoranza minnhom. Din l-għażla hi l-aktar rappreżentazzjoni fidila tal-ambjent tax-xogħol attwali fl-Istituzzjonijiet.Fl-aħħar nett, fiċ-ċentru ta’ evalwazzjoni l-kandidati mhumiex valutati għall-ħiliet tal-lingwa tagħhom (minbarra l-lingwisti, ovvjament...

X’jiġri jekk il-ħames lingwi magħżula l-aktar frekwentement ma jissodisfawx il-ħtiġijiet tas-servizz?

Jekk il-ħames lingwi magħżula l-aktar frekwentement mill-kandidati ma jkunux ivvalidati mill-Istituzzjonjiet għax ma jissodisfawx il-ħtiġijiet tas-servizz, EPSO se jipproponi s-sitt u s-seba’ lingwi l-aktar magħżula u jibqa’ sejjer hekk sakemm ikun hemm lista ta’ ħames lingwi. Dawn il-lingwi, flimkien mad-deċiżjoni ġustifikata, se jiġu ppubblikati fuq is-sit web ta’ EPSO u kkomunikati lill-kandidati kollha tal-kompetizzjoni.

Tista’ tgħidli liema ħames lingwi se jkunu proposti għat-testijiet taċ-ċentru ta’ valutazzjoni u għall-eżerċizzju tal-e-tray?

Ikollna nistennew sal-aħħar tal-ewwel fażi tar-reġistrazzjoni biex niġbru d-data mill-applikazzjonijiet kollha qabel ma nfasslu lista tal-lingwi li huma l-aktar iddikjarati mill-kandidati. Fil-kompetizzjoni għall-gradwati tal-2017, il-lingwi l-aktar iddikjarati ta’ spiss kienu l-Ingliż, il-Franċiż, it-Taljan, l-Ispanjol u l-Ġermaniż. Tista’ tikkonsulta wkoll ir-rapport Ewropew dwar il-lingwi l-aktar magħrufin u użati, li jista’ jipprovdi gwida iżda ebda garanzija. Barra minn hekk, huma l-Istituzzjonijiet li jivvalidaw il-ħames lingwi proposti mill-EPSO abbażi tad-data estratta mill-...

Nista’ nipparteċipa jekk għadni kif iggradwajt dan is-sajf?

Iva, l-istudenti fl-aħħar sena universitarja tagħhom (grad ta’ baċellerat) jistgħu jieħdu sehem fil-kompetizzjoni bil-kundizzjoni li d-diploma tagħhom tingħata sal-31 ta’ Lulju 2019.

Nista’ niddikjara l-lingwi kollha li naf?

Iva, fl-ewwel fażi tal-applikazzjoni, tista’ tiddikjara l-lingwi kollha tiegħek (minimu ta’ 2 u massimu ta’ 10) fost il-lingwi uffiċjali tal-Unjoni Ewropea.Pereżempju, ejjew nassumu li titkellem il-lingwi li ġejjin:Franċiż (livell eċċellenti - C2)Olandiż (livell eċċellenti - C2)Ingliż (tajjeb ħafna - C1)Ġermaniż - (livell intermedjarju - B2)Portugiż - (livell bażiku - A1)Qabel xejn, prosit li int daqshekk multilingwi! Tista’ tiddikjara dawn il-lingwi kollha fl-ewwel fażi tal-applikazzjoni tiegħek.Wara l-ewwel fażi tal-applikazzjoni, l-EPSO se joħroġ lista tal-5 lingwi l-aktar iddikjarati mill...

L-applikazzjoni tiegħi sparixxiet – tista’ jekk jogħġbok tattivaha mill-ġdid?

Jekk jogħġbok iċċekkja l-lista sħiħa tal-applikazzjonijiet fil-profil tal-EPSO tiegħek billi tiskrolja ’l isfel. Sakemm il-proċess ta’ applikazzjoni tal-kompetizzjoni jkun għadu għaddej, l-applikazzjoni u l-messaġġi relatati għandhom mnejn ikunu fin-nofs tal-lista – wara kwalunkwe applikazzjoni preċedenti vvalidata li jista’ jkun li għandek.

B’liema lingwa/i għandi nimla l-formoli ta’ applikazzjoni?

Tista’ timla l-applikazzjoni tiegħek bi kwalunkwe waħda mill-24 lingwa uffiċjali tal-UE.Il-formola ta’ applikazzjoni kollha tiegħek se tiġi aċċessata minn Bord tal-Għażla (matul il-kompetizzjoni) u mis-servizzi tal-HR tal-Istituzzjonijiet Ewropej (għar-reklutaġġ f’każ li tkun kandidat magħżul) li, kif ġie spjegat hawn fuq, jaħdmu b’numru limitat ta’ lingwi veikolari.F’każ li tirnexxi fil-kompetizzjoni u ismek jitqiegħed fuq il-lista ta’ riżerva, tintalab tipprovdi traduzzjoni tal-formola tal-applikazzjoni fil-lingwa 2 tiegħek (magħżula minn fost il-5 lingwi offruti) lis-servizzi ta’ reklutaġġ...

Għandi problema bil-kalendarju tal-formola tal-applikazzjoni. Għaliex ma nistax nagħżel data wara l-24/06/2019?

L-għan ewlieni tal-formola tal-applikazzjoni hu sabiex jiġi determinat jekk kandidat jissodisfax il-kundizzjonijiet kollha stabbiliti fl-Avviż ta’ Kompetizzjoni, fid-data tal-għeluq għall-applikazzjonijiet.B’referenza għal dak li qed jingħad hawn fuq, jekk jogħġbok innota li:Id-data tal-għeluq għall-applikazzjonijiet kienet il-25/06/2019.Id-data li titqies biex jiġi determinat jekk il-kandidat jissodisfax il-kundizzjonijiet hi l-aħħar ġurnata sħiħa qabel id-data tal-għeluq: 24/06/2019.Mhi meħtieġa ebda esperjenza professjonali biex tapplika għal din il-kompetizzjoni.Il-kandidati li jixtiequ...

Kif niffinalizza l-formola tal-applikazzjoni tiegħi għall-kompetizzjoni?

Il-kandidati li ġew mistiedna jikkompletaw il-formola tal-applikazzjoni tagħhom iridu jieħdu dawn il-passi:Agħmel il-log in fil-Kont tal-EPSO tiegħekTaħt "Applikazzjonijiet", ikklikkja n-numru tal-applikant tiegħek (blu). Dan se jtella’ l-formola tal-applikazzjoni li ssottomettejt bħala parti mill-ewwel stadju tar-reġistrazzjoni. L-applikazzjoni tiegħek tista’ tkun ’l isfel fil-lista tal-applikazzjonijiet fil-kont tal-EPSO tiegħek wara l-applikazzjonijiet ivvalidati tiegħek.Ikkompleta l-formola tal-applikazzjoni tiegħek kif ġej:Fit-tab "Data tar-reġistrazzjoni": indika l-lingwi 1 u 2 tiegħek...

Għaliex ma nistax neditja l-ħiliet lingwistiċi tiegħi fit-tieni parti tal-formola tal-applikazzjoni?

Fl-ewwel parti tal-formola tal-applikazzjoni, staqsejna lill-kandidati biex jiddikjaraw l-għarfien tagħhom tal-lingwi uffiċjali kollha tal-UE. Wara l-validazzjoni ta’ din l-ewwel parti tal-applikazzjoni, il-lingwi dikjarati ma setgħux jiġu editjati aktar.Abbażi tad-dikjarazzjonijiet tal-kandidati, attwalment jinsabu offruti 5 lingwi għat-testijiet tal-kompetizzjoni.Fit-tieni parti tal-formola tal-applikazzjoni li se tiftaħ fil-bidu ta’ Lulju (jekk jogħġbok iċċekkja l-kont tiegħek tal-EPSO għal aktar dettalji), il-kandidati biss li ddikjaraw minimu ta’ 2 lingwi (waħda fil-livell minimu ta’ B2...

Liema lingwi għandi nagħmel it-testijiet tiegħi bihom?

It-testijiet se jsiru b’żewġ lingwi differenti:- Lingwa waħda għat-testijiet b’raġunar numeriku, verbali u astratt (il-biċċa l-kbira tal-mistoqsijiet b’għażla multipla - MCQ): tagħżel din il-lingwa minn 24 lingwa uffiċjali tal-Unjoni Ewropea.- Lingwa waħda għat-test tal-valutazzjoni sitwazzjonali, it-test tal-e-tray u t-testijiet taċ-ċentru ta’ valutazzjoni: tagħżel din il-lingwa fit-tieni parti tal-applikazzjoni minn fost il-lingwi li indikajt fl-ewwel parti tal-applikazzjoni tiegħek.

X’inhuma l-arranġamenti lingwistiċi għall-kompetizzjonijiet ġenerali?

B’liema lingwa l-kandidati jridu jagħmlu t-testijiet fil-kompetizzjoni ġenerali?Kandidat għall-kompetizzjoni ġenerali se jagħmel it-testijiet b’żewġ lingwi differenti:Lingwa 1: Il-biċċa l-kbira tat-testijiet ta’ mistoqsijiet b’għażla multipla (MCQ - testijiet ta’ raġunament verbali, numeriku u astratt) se jkunu bil-Lingwa 1 tal-kandidat, li trid tkun waħda mill-24 lingwa uffiċjali tal-Unjoni Ewropea.Lingwa 2: Wieħed mit-testijiet ta’ mistoqsijiet b’għażla multipla (MCQ - test tal-valutazzjoni sitwazzjonali), it-testijiet taċ-ċentru ta’ valutazzjoni u t-test tal-e-tray se jkunu b’waħda mil-...

Kif se jintgħażlu l-lingwi għat-testijiet taċ-ċentru ta' evalwazzjoni?

L-ewwel nett, fl-applikazzjoni tagħhom il-kandidati kollha jridu jiddikjaraw b’liema lingwi lesti li jagħmlu t-testijiet (għat-testijiet taċ-ċentru ta' evalwazzjoni), fejn il-livell minimu meħtieġ hu B2.Fl-aħħar ta’ din l-ewwel fażi ta’ reġistrazzjoni, EPSO se jiġbor id-data mill-applikazzjonijiet kollha biex minnha joħroġ il-lingwi l-aktar magħżula mill-kandidati. Il-ħames lingwi l-aktar magħżula mill-kandidati se jiġu proposti lill-Istituzzjonijiet. Jekk l-Istituzzjonjiet japprovaw dawn il-lingwi, se jiġu offruti lill-kandidati għat-testijiet tagħhom fiċ-ċentru ta' evalwazzjoni.It-tieni, il...