Má bhíonn fadhb ann le linn trialacha ar a ndéanfar feitheoireacht chianda, déan an méid seo a leanas:

• cuir an feitheoir ar an eolas tríd an ngné FEITHEOIR BEO (agus tú i mbun an scrúdaithe) nó cuir gníomhaire Prometric ar an eolas tríd an nasc comhrá chun an fhadhb a réiteach, agus iarr air tuairisc i scríbhinn ar an bhfadhb a thaifeadadh AGUS
• cuir EPSO ar an eolas i scríbhinn faoi cheann 3 lá féilire i ndiaidh na trialach tríd an bhfoirm theagmhála ar líne agus cur síos gairid ar an bhfadhb ag gabháil leis sin. Is gá EPSO a chur ar an eolas i ngach aon chás (agus nuair a dheimhníonn an conraitheoir aon ghníomhaíocht leantach).

Má tá amhras mór ort faoin méid atá i gceann de na ceisteanna i dtriail, déan teagmháil leis an tSeirbhís Teagmhála d’Iarrthóirí atá ag EPSO laistigh de 3 lá féilire i ndiaidh duit na trialacha a dhéanamh. Ní mór na cúinsí agus d'uimhir iarrthóra a thabhairt le fios go soiléir sa chomhfhreagras (féach an nós imeachta atá leagtha amach sa ghlao ar léiriú spéise).

Má tá mír áirithe ann nach bhfuil i gcomhréir le dianchritéir cháilíochta EPSO déanfar na bearta ceartaitheacha seo a leanas:
- Déanfar an mhír sin a cheartú nó a bhaint as an mbunachar sonraí;
- Féadfar bearta ceartaitheacha a dhéanamh i gcásanna ina bhfaighidh EPSO amach go ndearnadh díobháil d’iarrthóir.

Is mór ag EPSO an inrochtaineacht. Bímid ag síorfhéachaint le feabhas a chur ar an dóigh a ndéanaimid cumarsáid agus ar ár bpróisis roghnúcháin.

Ach más amhlaidh a bhíonn deacrachtaí agat a bhaineann le do chuntas EPSO nó suíomh gréasáin EPSO a rochtain, iarraimid ort teagmháil a dhéanamh linn agus na deacrachtaí a mhíniú dúinn agus do chuid tuairimí agus moltaí a chur in iúl dúinn.

Is mór againn do chuid aiseolais a fháil. Cuidíonn sé linn feabhas a chur ar na seirbhísí a chuirimid ar fáil trína ndéanamh níos inrochtana ag cách.

Chun tuilleadh eolais a fháil faoin obair a dhéanann EPSO le feabhas a chur ar an inrochtaineacht, téigh chuig ár leathanach gréasáin comhdheiseanna.

Is mór ag EPSO an comhionannas, an éagsúlacht agus an t-ionchuimsiú agus bíonn sé ar a dhícheall féachaint chuige go bhfuil na deiseanna céanna ag na hiarratasóirí uile, go gcaitear ar an dóigh chéanna leo agus go bhfuil an rochtain chéanna acu ar a chuid seirbhísí.

Má fheictear duit gur caitheadh leat ar dhóigh éagórach nó idirdhealaitheach i ngeall ar cheann amháin nó níos mó de na saintréithe seo: gnéas, cine, dath, tionscnamh eitneach nó sóisialta, airíonna géiniteacha, teanga, reiligiún nó creideamh, tuairim pholaitiúil nó eile, ballraíocht i mionlach náisiúnta, maoin, breith, míchumas, aois nó treoshuíomh gnéasach, má fheictear sin duit, déan teagmháil linn  láithreach chun do chuid tuairimí agus mothúchán a chur in iúl dúinn.

Tugaimid an-aird ar an aiseolas a thugann iarratasóirí dúinn óir is iad atá i gcroílar ár gcuid beartas agus cleachtas maidir le comhionannas, éagsúlacht agus bainistiú ionchuimsithe. Tá tuilleadh eolais faoin dóigh a gcuirimid na beartais sin i bhfeidhm, ar ár leathanach comhdheiseanna.

Má tá amhras mór ort faoin méid atá i gceann de na ceisteanna i dtriail, déan teagmháil linn trí shuíomh gréasáín EPSO amháin (Seirbhís Teagmhála d’Iarrthóirí) laistigh de 3 lá féilire tar éis an dáta a rinne tú na trialacha ar ríomhaire, déan cur síos ar an gceist ionas go bhféadfar í a aithint, agus mínigh chomh soiléir agus is féidir cad í an earráid a shíleann tú atá ann. Luaigh d'uimhir iarrthóra freisin (féach Iarscríbhinn chomhfhreagrach an fhógra chomórtais).

Más léir nach bhfuil ceist áirithe ag teacht leis na dianchritéir cháilíochta atá ag EPSO, ainneoin dianchóras rialaithe cáilíochta a bheith i bhfeidhm, déanfar na bearta ceartaitheacha seo a leanas:

• Déanfar an cheist áirithe a cheartú nó a bhaint as an mbunachar
• Déanfar an cheist a chur ar ceal a (“neodrú”) agus déanfar na marcanna don cheist sin a athdháileadh ar na ceisteanna eile.
• Má chuirtear an nós imeachta neodrúcháin i bhfeidhm, déanfar na torthaí a leasú dá réir, agus cuirfear an marc "N" leo.

Má bhíonn fadhb ann:

• cuir duine de na feitheoirí ar an eolas chun an fhadhb a réiteach agus iarr air tuairisc i scríbhinn ar an bhfadhb a thaifeadadh AGUS
• cuir EPSO ar an eolas i scríbhinn faoi cheann 3 lá féilire i ndiaidh na trialach tríd an bhfoirm theagmhála ar líne agus cur síos gairid ar an bhfadhb ag gabháil leis sin.

Má bhíonn fadhbanna teicniúla ann agus tú ag déanamh coinne le haghaidh trialacha ar ríomhaire, ag athsceidealú trialacha nó á gcur ar ceal, téigh i dteagmháil go díreach le Prometric ar an bhfón, le ceann de na huimhreacha thíos (saorghlao le formhór na soláthraithe teileachumarsáide):

An Ostair: 0800 201 768
An Bheilg: 0800 80293
An Bhulgáir: 00800 1104423
An Chróit: 0800 222 354
An Chipir: 800 91198
Poblacht na Seice: 800 900 549
An Danmhairg: 8060 0064
An Eastóin: 800 0044 235
An Fhionlainn: 0800 97543
An Fhrainc: 0805 54 03 72
An Ghearmáin: 0800 101 5487
An Ghréig: 00800 4414 0600
An Ungáir: 06 80 981 361
Éire: 1800 882 168
An Iodáil: 800 917 585
An Laitvia: 800 2565
An Liotuáin: 8800 30392
Lucsamburg: 0800 26701
Málta: 800 62442
An Ísiltír: 0800 020 0951
An Pholainn: 00800 4411 842
An Phortaingéil: 800 207 477
An Rómáin: 0800 894557
An tSlóvaic: 0800 004 493
An tSlóivéin: 0800 80871
An Spáinn: 900 811 189
An tSualainn: 201 701 533

Is féidir leat glaoch ar +31 320 239 575 freisin. Tabhair do d'aire nach uimhir shaorghlao í an uimhir sin.