Inti se tiġi mgħarraf bid-dati tal-bidu u tat-tmiem tal-perjodu biex tkun tista’ tibbukkja permezz tal-profil tal-EPSO tiegħek/is-sit web tal-EPSO. Se jiġi attivat link għas-sistema ta’ bbukkjar tal-kuntrattur fil-profil tal-EPSO tiegħek matul dan il-perjodu tal-ibbukkjar biss.

Meta jiġi attivat il-link tal-ibbukkjar, tkun tista’ tagħżel id-data u l-ħin għat-test tiegħek skont id-disponibbiltà. L-istruzzjonijiet sħaħ għall-ibbukkjar se jkunu disponibbli fl-ittra ta’ stedina tiegħek.  Jekk ma tiskedax appuntament matul il-perjodu tal-ibbukkjar, l-applikazzjoni tiegħek se titqies bħala rtirata.

Jekk jogħġbok iċċekkja l-profil tal-EPSO tiegħek regolarment peress li mhux se tirċievi notifika bl-email ġaladarba jiġi attivat il-link għas-sit tal-ibbukkjar. It-testijiet kollha bbażati fuq il-kompjuter huma organizzati esklużivament online u b'inviġilazzjoni mill-bogħod.