FAQs

Home > FAQs > X’jiġri fil-jum taċ-Ċentru ta’ Evalwazzjoni?

X’jiġri fil-jum taċ-Ċentru ta’ Evalwazzjoni?

Kategoriji tal-mistoqsijiet: 
  • Iċ-Ċentru ta’ Evalwazzjoni jirrikjedi jum sħiħ (xi drabi jumejn) u tipikament jibda madwar it-8h30 (fl-ittra ta’ stedina tiegħek issib il-ħin preċiż tal-appuntament) u jispiċċa madwar is-18h00.
  • X’ħin tasal se tingħata l-iskeda tal-jum.
  • Il-persunal tal-EPSO se jkun hemm biex jilqgħek u jiggwidak matul il-jum.
  • X’ħin tasal għandek tippreżenta d-dokumenti rikjesti fl-ittra ta’ stedina tiegħek.
  • Jekk jogħġbok żgura li tasal fil-ħin u mhux akkumpanjat. Qraba jew ħbieb mhux se jitħallew jistennew fil-binja, u ma jistgħux jikkuntattjawk matul il-test.
  • Jekk tasal tard, mhux se jingħatalek ħin addizzjonali u tista’ tiġi eskluż mill-proċess ta’ selezzjoni, speċjalment jew titlef għal kollox wieħed mill-eżerċizzji.
  • Inti se tkun wieħed minn massimu ta’ sitt kandidati u se jkun hemm diversi assessuri.
  • Se tingħata badge tal-identità biex tkun tista’ tiċċaqlaq faċilment fil-binja tat-test.
  • Il-materjal kollu meħtieġ għall-eżerċizzji differenti se jiġi pprovdut miċ-Ċentru ta’ Evalwazzjoni, inkluż il-materjal tat-test, pinen u karti, eċċ.
  • Jekk ikunu se jintużaw il-kompjuters, se tintalab tindika l-preferenza għat-tastiera/lingwa tiegħek minn qabel.
  • Huma disponibbli lockers għal bagalji u oġġetti personali oħrajn.
  • Mhux se jiġi pprovdut ikel, iżda hemm magni tal-bejgħ għal xarbiet u snacks u bosta kafetteriji u ristoranti fil-qrib fi Brussell. Fil-Lussemburgu hemm canteen u kafetterija fil-binja stess.
  • M’hemmx faċilitajiet ta’ parking għall-kandidati.
  • Se tkun tista’ toħroġ mill-binja matul il-pawżi, iżda żgura li terġa’ lura fil-ħin.

It-tweġiba kienet utli?

Iva Le