F’każ li jkollok dubju serju dwar il-kontenut ta’ mistoqsija tat-test, jekk jogħġbok ikkuntattja lill-EPSO biss permezz tas-sit web tal-EPSO (Servizz ta’ Kuntatt tal-Kandidati) fi żmien 3 ijiem kalendarji mid-data tat-testijiet bil-kompjuter tiegħek, billi tiddeskrivi dwar xiex kienet il-mistoqsija (il-kontenut) sabiex tidentifika l-mistoqsija/ijiet ikkonċernata/i u tispjega n-natura tal-iżball allegat bl-aktar mod ċar possibbli. Jekk jogħġbok semmi wkoll in-numru tal-kandidat tiegħek (ara l-Anness rispettiv fis-Sejħa għal espressjoni ta’ interess).

Jekk element identifikat ma jkunx konformi mal-kriterji ta’ kwalità stretti tal-EPSO minkejja l-kontrolli tal-kwalità dettaljati li hemm fis-seħħ, il-miżuri korrettivi huma kif ġej:
- Il-mistoqsija se tiġi kkoreġġuta jew se titneħħa mill-bażi tad-data;
- Jista’ jiġi applikat kumpens jekk dan kellu impatt negattiv fuqek.

Ara aktar informazzjoni dwar il-proċedura tal-għażla tal-CAST Permanenti.