X’inhu Kont tal-EPSO?
Il-Kont tal-EPSO huwa reġistru elettroniku tad-dettalji personali u tal-applikazzjonijiet kollha tiegħek għall-proċeduri ta' selezzjoni tal-EPSO. Fuq il-paġni kollha tas-sit web tal-EPSO issib link dirett biex toħloq jew tilloggja fil-Profil tal-EPSO tiegħek.
Jintuża wkoll biex l-EPSO jibgħat messaġġi lill-kandidati. Għalhekk, għandek tikkonsulta l-Kont tal-EPSO tiegħek kull tlitt ijiem kalendarji.
Qabel tapplika, se tintalab toħloq Profil tal-EPSO, jekk għad m’għandekx wieħed.
Jista' jkollok Kont tal-EPSO wieħed biss, li għandek tuża għall-proċeduri ta' selezzjoni kollha. Huwa strettament ipprojbit li jkun hemm aktar minn Kont tal-EPSO wieħed u tista’ tiġi eskluż f’kull stadju tal-proċedura tal-għażla minħabba li jkollok aktar minn kont wieħed. Jekk jogħġbok ikkuntattjana jekk m’intix ċert.
Sabiex toħloq il-Kont tiegħek, sempiliċiment ikklikkja l-link “Oħloq il-kont tal-EPSO tiegħek” u imla l-informazzjoni meħtieġa kollha.
Id-dettalji personali tiegħek u d-dettalji tal-aċċess għall-Kont tal-EPSO tiegħek iridu jkunu dejjem aġġornati.
Jekk, fi kwalunkwe stadju tal-proċedura, l-EPSO jsib li ħloqt iktar minn Kont wieħed, tista’ tiġi eskluż (ara r-Regoli ġenerali applikabbli għall-Kompetizzjonijiet Miftuħa mehmużin mal-Avviż tal-Kompetizzjoni).