Il-kandidati għall-proċeduri ta’ selezzjoni tal-aġenti kuntrattwali (CAST/P) ma jistgħux jillinkjaw dokumenti ta’ sostenn mal-applikazzjoni(jiet) CAST/P tagħhom. Il-kandidati se jintalbu jipprovdu d-dokumenti ta’ sostenn tagħhom lis-servizzi ta’ reklutaġġ, b’mod ġenerali fl-istadju tal-intervista.

Tista’ ssib aktar informazzjoni dwar il-kundizzjonijiet tax-xogħol fir-Regolamenti tal-Persunal, kif ukoll l-aktar informazzjoni reċenti dwar is-salarji għall-uffiċjali u l-istaff kuntrattwali (l-aġġornament annwali japplika minn Lulju 2020).

Aktar informazzjoni dwar il-kundizzjonijiet tal-impjieg fil-Kummissjoni Ewropea hi disponibbli wkoll fil-Kundizzjonijiet tal-Impjieg applikabbli għall-Aġenti l-Oħra.

Int tista’ titlob aġġustamenti speċjali tat-testijiet tas-selezzjoni għall-proċedura tal-CAST Permanenti fil-formola tal-applikazzjoni tiegħek billi timmarka l-kaxxa “rekwiżiti speċjali”. Se jkollok bżonn ukoll timla formola ta’ informazzjoni dettaljata dwar il-ħtiġijiet speċjali tiegħek u tibgħatilna d-dokumenti ta’ prova rilevanti.

Jekk tingħata akkomodazzjonijiet raġonevoli għat-testijiet ibbażati fuq il-kompjuter, int se tiġi infurmat dwar id-dettalji qabel id-data tat-test tiegħek. F’xi każijiet, id-definizzjoni u l-organizzazzjoni tal-aġġustamenti neċessarji jistgħu jieħdu xi ftit taż-żmien u għalhekk għandu mnejn tiġi mistieden tagħmel dawn it-testijiet matul il-perjodu tal-ittestjar li jmiss. Jekk dan ikun il-każ ninfurmawk kemm jista’ jkun malajr.

L-EPSO se jiżgura li l-kandidati preselezzjonati (fuq il-lista ristretta) kollha jiġu mistiedna u ttestjati fl-aħjar kundizzjonijiet possibbli.

Jekk jogħġbok innota li testijiet oħra bħal intervisti huma organizzati direttament mis-servizzi tar-reklutaġġ. Jekk ikollok bżonn aġġustamenti speċjali fl-istadju tat-testijiet tar-reklutaġġ, jekk jogħġbok informa lil min hu inkarigat mir-reklutaġġ hekk kif tirċievi stedina għat-testijiet ta’ reklutaġġ. Jekk jogħġbok innota li l-EPSO mhu se jaqsam ebda informazzjoni rigward il-kundizzjoni u l-ħtiġijiet speċjali tiegħek ma’ min hu inkarigat mir-reklutaġġ.

Le. Il-ħolqien ta’ aktar minn applikazzjoni waħda għall-istess profil, inkluż b’lingwi mira differenti mhux permess.

Tista’ tiddikjara l-lingwi kollha tiegħek taħt “Ħiliet lingwistiċi” fil-formola tal-applikazzjoni jekk għandek għarfien ta’ aktar minn żewġ lingwi uffiċjali. Dan se jippermetti lis-servizzi ta’ reklutaġġ biex isibu l-applikazzjoni tiegħek skont il-ħtiġijiet speċifiċi tagħhom.

It-testijiet tal-EPSO jivvalutaw biss l-għarfien tal-lingwi tiegħek kif ġej:

• Il-lingwa 1 tiegħek (L1), li tista’ tkun kwalunkwe waħda mill-24 lingwa uffiċjali tal-UE, se tiġi ttestjata permezz ta’ testijiet ta’ raġunament verbali, numeriku u astratt f’forma ta’ mistoqsijiet b’għażla multipla. L-għarfien tiegħek tal-L1 għandu jkun mill-inqas fil-livell C1 (utent profiċjenti).
• Il-lingwa 2 tiegħek (L2), li tista’ tintgħażel minn fost l-Ingliż, il-Franċiż u l-Ġermaniż, iżda trid tkun differenti mill-L1, tiġi ttestjata permezz ta’ test ta’ komprensjoni tal-lingwa f’forma ta’ mistoqsijiet b’għażla multipla. L-għarfien tiegħek tal-L2 għandu jkun mill-inqas fil-livell B2 (utent indipendenti).

Aktar informazzjoni dwar it-testijiet ta’ hawn fuq hija ppubblikata fil-paġna tat-testijiet kampjuni tagħna.

Is-servizzi ta’ reklutaġġ jistgħu jorganizzaw testijiet addizzjonali, bħal testijiet ta’ traduzzjoni.

Matul il-perjodi tal-ibbukkjar u tal-ittestjar inti tista’ tbiddel l-appuntament tiegħek għat-test b’mistoqsijiet b'għażla multipla, skont id-disponibbiltà u l-kundizzjonijiet li ġejjin:

• l-ewwel trid tistenna sakemm il-konferma tal-ibbukkjar oriġinali tiġi applowdjata fil-kont tal-EPSO tiegħek (normalment fi żmien 24 siegħa wara l-ibbukkjar) peress li li jkun fiha l-link, in-numru ta’ konferma u l-kodiċi li trid tuża biex tiskeda l-appuntament mill-ġdid;
• inti tista’ tbiddel l-appuntament tat-test tiegħek sa ġurnata qabel;
• tista’ tagħżel biss appuntament ġdid fl-istess perjodu tal-ittestjar u mill-appuntamenti li jidhru fis-sistema;
• għandek il-possibbiltà li tbiddel il-post taċ-ċentru tat-testijiet (skont id-disponibbiltà);
• trid timla l-proċedura tal-ibbukkjar mill-ġdid tal-ħin sal-aħħar skrin u fin-nuqqas ta’ dan jibqa' validu l-appuntament oriġinali tiegħek;
• trid tistampa u tieħu miegħek il-konferma tal-ibbukkjar aġġornata fiċ-ċentru tal-ittestjar. 

Jekk jogħġbok ikkonsulta l-link li ġejja għall-istampi tal-iskrin li juruk il-proċedura tal-iskedar mil-ġdid.

Ċirkostanzi eċċezzjonali

F’ċirkostanzi eċċezzjonali, bħal fil-każ ta’ mard serju, twelid ta’ tarbija, mewt ta’ konjuġi, tifel/tifla, ġenitur jew aħwa, l-EPSO jista’ jawtorizza skedar mill-ġdid, skont id-disponibbiltà.

Għandek tikkuntattja lill-EPSO mingħajr dewmien, u tindika n-numru tal-kandidat tiegħek u d-dokumenti ta’ sostenn rilevanti kollha, pereżempju ċertifikat mediku, li għandu jkopri b’mod obbligatorju d-data tal-appuntament.

Ma tistax titlob skedar mill-ġdid (inkluż f’ċirkostanzi eċċezzjonali) minn perjodu tal-ittestjar għal ieħor. Inti tkun tista’ tiġi mistieden mill-ġdid biex tibbukkja f’perjodu ieħor tal-ittestjar jekk terġa’ tiġi preselezzjonat minn xi servizz ta’ reklutaġġ.

Ninfurmawk minnufih hekk kif tkun ittieħdet deċiżjoni; madankollu, jekk jogħġbok innota li se jkunu biss ċirkostanzi eċċezzjonali sostanzjati kif dettaljat hawn fuq li se jiġu kkunsidrati.

Jekk ikollok dubju serju dwar il-kontenut ta’ mistoqsija ta’ test jekk jogħġbok ikkuntattja lis-Servizz ta’ Kuntatt tal-Kandidati tal-EPSO mhux aktar tard minn tlett ijiem kalendarji mit-test tiegħek fejn tispjega b’mod ċar iċ-ċirkostanzi u n-numru tal-kandidat tiegħek (ara l-proċedura fis-Sejħa għal Espressjoni ta' Interess).

Jekk element identifikat ma jkunx konformi mal-kriterji ta’ kwalità tal-EPSO, jiġu applikati dawn il-miżuri korrettivi:
- L-element se jiġi kkoreġġut jew se jitneħħa mill-bażi ta’ data;
- Jistgħu jittieħdu miżuri korrettivi fil-każijiet fejn l-EPSO jsib li kien hemm impatt negattiv fuq il-kandidat.

Jekk ma għadekx aktar interessat li tkun ittestjat u/jew reklutat għal profil/grupp ta’ funzjoni speċifiku, tista’ sempliċement tieqaf tikkonferma mill-ġdid l-interess tiegħek permezz tal-kont tal-EPSO tiegħek. Sitt xhur wara l-aħħar konferma ta’ interess jew aġġornament tal-applikazzjoni tiegħek għal dak il-grupp ta’ profil/funzjoni, l-applikazzjoni ssir inviżibbli għal min jirrekluta.

Tkun tista’ terġa’ tattiva l-applikazzjoni tiegħek fi kwalunkwe ħin fil-futur.

Jekk ma għadekx interessat li toqgħod għat-testijiet, tista’ sempliċement tagħżel li ma tibbukkjax test.

Jekk diġà bbukkjajt test, għandek tikkanċella l-appuntament online sa 48 siegħa qabel id-data tat-test (permezz tal-link fil-konferma tal-ibbukkjar fil-kont tal-EPSO tiegħek).

Jekk tiddeċiedi li ma tagħmilx it-testijiet, dan ma jaffettwax l-eliġibbiltà tiegħek u l-applikazzjoni tiegħek ma tiġix imblukkata.

Tista’ tkun preselezzjonat għal test mill-ġdid minn servizzi ta’ reklutaġġ oħrajn fil-futur.

Iva, tista’ tkun preselezzjonat (fil-lista preliminari) għal aktar minn profil u/jew grupp ta’ funzjoni wieħed.

Jekk tkun preselezzjonat aktar minn darba (minn aktar minn min jirrekluta wieħed) għall-istess profil fl-istess grupp ta’ funzjoni, tagħmel it-testijiet darba biss.

Jekk tiġi preselezzjonat għal gruppi differenti ta’ profili/funzjoni, tkun mistieden sabiex tagħmel it-testijiet għal dawn il-gruppi ta’ profili/funzjoni skont l-ordni kif intbagħtu r-rikjesti lill-EPSO mis-servizzi ta’ reklutaġġ.

La min jirrekluta u lanqas il-kandidati jew l-EPSO ma jistgħu jinfluwenzaw l-ordni tar-rikjesti tat-test li jkunu qed jiġu pproċessati.

F’każ li tkun diġà għaddejt mit-testijiet ta’ raġunament, tista’ tiġi mistieden biex tagħmel testijiet ta’ kompetenza* għal profili differenti matul l-istess perjodu tal-ittestjar.

* Il-kandidati għall-profili lingwistiċi (qarrejja tal-provi u tradutturi) jagħmlu test ta’ komprensjoni tal-lingwa minflok test ta’ kompetenza.

Le, jekk għaddejt biss mit-testijiet tar-raġunament fl-EPSO/CAST/P1–4/2015, tiġi mistieden (jekk terġa’ tiġi preselezzjonat) biex tagħmel is-sett sħiħ ta’ testijiet tas-selezzjoni (it-testijiet tar-raġunament u tal-kompetenza) fil-CAST Permanenti (ara aktar informazzjoni dwar din il-proċedura ta’ selezzjoni).

It-tip ta’ kuntratt jiddependi minn ħafna elementi fosthom mis-servizz ta’ reklutaġġ.

Għal aktar informazzjoni dwar l-arranġamenti kuntrattwali, jekk jogħġbok irreferi għall-Anness III, il-punt 4 tas-Sejħa għal Espressjoni ta’ Interess.

Il-kandidati preselezzjonati (f’lista ta’ riżerva) mis-servizzi ta’ reklutaġġ biss se jiġu mistiedna jagħmlu t-testijiet ta’ selezzjoni.

Jekk tiġi preselezzjonat, tirċievi stedina biex tibbukkja test fil-profil tal-EPSO tiegħek. Din l-istedina normalement tiġi ppubblikata fl-ewwel jum tal-perjodu ta’ bbukkjar fil-kont tal-EPSO tiegħek. Jekk jogħġbok iċċekkja l-profil tal-EPSO tiegħek tal-inqas darbtejn fil-ġimgħa. Trid tibbukkja u tagħmel it-test tiegħek f'perjodu ta' żmien partikolari.

It-testijiet huma testijiet b’għażla multipla bbażati fuq il-kompjuter. Isiru f’ċentri tat-testijiet fid-dinja kollha.

Lista ta’ ċentri tat-testijiet disponibbli se tkun aċċessibbli fl-istedina tiegħek għall-ibbukkjar u fis-sit web Prometric.

Jekk jogħġbok innota li ma jiġix provdut rimborż għall-ispejjeż tal-ivvjaġġar mill-EPSO.

Hawn taħt issib is-salarju bażiku fix-xahar (f’€) għal ġimgħa xogħol ta’ 40 siegħa (applikabbli mill-1 ta’ Lulju 2020), l-ewwel skala:

Grupp ta’ Funzjoni IV (grad 13-18): 3 555,98 - 6 593,66
Grupp ta’ Funzjoni III (grad 8-12): 2 777,78 - 4 552,18
Grupp ta’ Funzjoni II (grad 4-7): 2 169,66 - 3 142,81
Grupp ta’ Funzjoni I (grad 1-3): 2 088,92 - 2 672,85

Tista’ ssib aktar informazzjoni dwar il-kundizzjonijiet tax-xogħol fir-Regolamenti tal-Persunal, kif ukoll l-aktar informazzjoni reċenti dwar is-salarji għall-uffiċjali u l-persunal bil-kuntratt (aġġornament annwali applikabbli minn Lulju 2020).

Jekk tkun preselezzjonat u tgħaddi mit-testijiet, is-servizzi tar-reklutaġġ interessati fil-profil tiegħek se jikkuntattjawk (permezz tal-indirizz tal-email fil-Kont tal-EPSO tiegħek) u jistednuk għal testijiet tar-reklutaġġ li jinkludu intervista u testijiet opzjonali oħrajn.

L-EPSO ma jipprovdix informazzjoni lill-kandidati dwar liema servizz tar-reklutaġġ huwa interessat fihom fi kwalunkwe stadju tal-proċedura ta’ selezzjoni.

Is-servizzi ta’ reklutaġġ jistgħu jistiednu lil diversi kandidati għal intervista (u possibbilment għal testijiet oħrajn) għal kull pożizzjoni battala. Hu f’idejn is-servizzi ta’ reklutaġġ li jipprovdu l-feedback dwar l-eżitu tal-intervista (u testijiet oħrajn jekk applikabbli).

Madankollu, jekk f’dik l-okkażjoni ma tgħaddix, ir-riżultati tat-test ta’ selezzjoni tiegħek se jibqgħu validi (*), mid-data meta jiġu ppubblikati fil-Profil tal-EPSO tiegħek, għal:

• 10 snin (testijiet ta’ raġunament)
• 5 snin (testijiet ta’ kompetenza)
• 5 snin (testijiet tal-komprensjoni tal-lingwa)

Is-servizzi ta’ reklutaġġ jistgħu jerġgħu jippreselezzjonawk (f’lista preliminari) u jistednuk għal intervista (u għal testijiet oħrajn). 

Tinsiex taġġorna l-applikazzjoni(jiet) tiegħek tal-inqas kull sitt xhur jekk tixtieq tibqa’ viżibbli għas-servizzi ta’ reklutaġġ.

(*) Dan japplika biss għall-proċeduri CAST/P. Innota li r-riżultati tat-testijiet tiegħek fil-proċedura ta’ selezzjoni CAST/P mhumiex validi għal proċedura ta’ selezzjoni oħrajn.

Jekk ma tgħaddix mit-testijiet ta’ raġunament, it-test ta’ kompetenza* li tkun għamilt fl-istess ħin ma jiġix ikkoreġut.

Jekk tgħaddi mit-testijiet ta’ raġunament, iżda ma tgħaddix mit-test ta’ kompetenza*, ir-riżultati tat-testijiet ta’ raġunament tiegħek se jibqgħu validi.

Barra minn hekk, jekk ma tgħaddix minn test, japplikaw ir-regoli li ġejjin:

• Jekk ma tgħaddix mit-test ta’ raġunament, ma tistax tiġi mistieden għal test ta’ raġunament ieħor għall-istess grupp ta’ funzjoni jew għal wieħed ogħla għas-6 xhur ta’ wara. Madankollu, xorta tista’ tiġi mistieden għal testijiet ta’ raġunament għal gruppi ta’ funzjoni iktar baxxi.
• Jekk ma tgħaddix mit-test ta’ kompetenza*, ma tistax tiġi mistieden għal test ta’ kompetenza* ieħor għas-6 xhur ta’ wara fl-istess profil fl-istess grupp ta’ funzjoni jew f’wieħed ogħla. Madankollu, tista’ tagħmel testijiet ta’ kompetenza* għall-istess profil għal grupp ta’ funzjoni iktar baxx jew għal profil differenti.

Il-perjodu ta’ 6 xhur jibda’ mill-jum meta jiġu ppubblikati r-riżultati fil-Profil tal-EPSO tiegħek.

Jekk jogħġbok innota li s-servizzi ta’ reklutaġġ mhumiex obbligati jistednuk għal test ieħor, wara li jkun għadda l-perjodu ta’ 6 xhur.

*Il-kandidati għal profili lingwistiċi (qarrejja tal-provi u tradutturi) jagħmlu test tal-komprensjoni tal-lingwa minflok test ta’ kompetneza.

Jekk tgħaddi mit-testijiet ta’ selezzjoni (trid iġġib il-marka minima biex tgħaddi f'kull test kif speċifikat fis-sejħa), tiġi mistieden għal intervista mis-servizz tar-reklutaġġ.

Il-validità tar-riżultati (mid-data meta r-riżultati kienu ppubblikati fil-profil tal-EPSO tiegħek) hija kif ġej:

• testijiet tar-raġunament għal 10 snin
• testijiet tal-kompetenza għal 5 snin

Ir-riżultati huma dejjem validi għall-profil u l-qasam ta’ kompetenza li ġejt ittestjat għalihom kif ukoll għal kwalunkwe grupp ta’ funzjoni inferjuri.

Eżempju: Tgħaddi mit-testijiet ta’ raġunament u tal-kompetenza għall-Profil tal-Liġi FGIV.

Dawn ir-riżultati se jkunu validi għall-Profil tal-Liġi FGIV kif ukoll għal kwalunkwe grupp ta’ funzjoni inferjuri fi ħdan il-profil tal-Liġi, f’dan il-każ FGIII.

Dan ifisser li tista’ tirċievi stediniet għal intervista għal postijiet battala fiż-żewġ gruppi ta’ Funzjoni, III u IV.

Madankollu, jekk tgħaddi mit-testijiet għall-Profil tal-Liġi FGIII, dawn mhux se jkunu validi għal kwalunkwe Grupp ta’ Funzjoni ogħla, f’dan il-każ għal FGIV.

Le. Is-servizzi tar-reklutaġġ jistgħu jaraw biss jekk kandidat ikunx għadda jew le mit-testijiet.

Il-punteġġ tiegħek se jkun viżibbli għalik biss (permezz tal-Profil tal-EPSO tiegħek).

Is-servizzi tar-reklutaġġ m’għandhomx jirrikjedu li tagħtihom prova li għaddejt mit-testijiet tal-EPSO peress li l-informazzjoni neċessarja dwar l-istatus tiegħek hija aċċessibbli għalihom fil-bażi tad-data tal-kandidati.

Il-proċedura ta’ selezzjoni tal-CAST Permanenti tattira numru kbir ta’ applikazzjonijiet. Madankollu, is-servizzi tar-reklutaġġ jippreselezzjonaw u jqiegħdu f’lista preliminari l-kandidati li l-profili tagħhom jissodisfaw bl-aħjar mod il-ħtiġijiet tagħhom.

Se tirċievi r-riżultati tiegħek tat-testijiet ta’ selezzjoni permezz tal-Profil tal-EPSO tiegħek bejn wieħed u ieħor ġimagħtejn wara t-tmiem tal-perjodu tal-ittestjar li matulu tkun għamilt it-test.

Il-perjodi tal-ittestjar jiġu organizzati b’mod regolari matul is-sena. Jekk jogħġbok irreferi għall-iskeda ta’ żmien disponibbli fuq kull paġna ddedikata tal-profil.

Jekk ġejt preselezzjonat minn servizz ta’ reklutaġġ, se tiġi mistieden biex tagħmel żewġ tipi ta’ testijiet ta’ selezzjoni.

L-ewwel nett, se tgħaddi minn sensiela ta’ testijiet b’għażla multipla biex jiġu vvalutati l-aptitudnijiet ġenerali tiegħek fir-raġunament verbali, numeriku u astratt (bil-Lingwa 1 tiegħek).

Imbagħad, se tagħmel test ta’ kompetenza speċifika* għal profil u grupp ta’ funzjoni li tkun applikajt għalih (bil-Lingwa 2 tiegħek). 

Jekk diġà għaddejt mit-testijiet ta’ raġunament għall-istess grupp ta’ funzjoni jew għal grupp ta’ funzjonijiet ogħla, iżda mhux it-test tal-kompetenza*, se tiġi mistieden biss biex tagħmel it-test tal-kompetenza*.

L-EPSO ma jorganizzax testijiet ta’ kompetenza għal profili fil-grupp ta’ funzjoni I. Jekk tgħaddi minn testijiet ta’ raġunament għal grupp ta’ funzjoni I, tista’ tiġi mistieden għal test ta’ kompetenza organizzat mis-servizz ta’ reklutaġġ.

Għall-gruppi ta’ funzjonijiet kollha, is-servizz ta’ reklutaġġ jista’ jitolbok tagħmel testijiet li tqis li huma rilevanti għax-xogħol, bħal test ta’ abbozzar, test tas-sewqan, eċċ. L-informazzjoni kollha dwar dawn it-testijiet se tiġi pprovduta mis-servizzi ta’ reklutaġġ.

Jekk jogħġbok agħti wkoll ħarsa lejn it-testijiet kampjun tagħna (“Aġenti Kuntrattwali” – “Test abbażi tal-kompetenza”) għal aktar tagħrif.

*Il-kandidati għal profili lingwistiċi (qarrejja tal-provi u tradutturi) jagħmlu test ta’ komprensjoni tal-lingwa minflok test ta’ kompetenza.

Is-servizzi tar-reklutaġġ ifittxu fil-bażi tad-data tal-kandidati kollha rreġistrati u jqiegħdu f’lista preliminari lil dawk li jissodisfaw bl-aħjar mod il-bżonnijiet speċifiċi tas-servizz. Ara li taġġorna l-applikazzjoni tiegħek kull sitt xhur biex tibqa’ viżibbli u tkun għadek tista’ tinsab fil-bażi tad-data.

Il-kandidati fil-lista preliminari biss se jiġu mistiedna, permezz tal-Profil tal-EPSO tagħhom, biex jibbukkjaw u jagħmlu test ta’ selezzjoni organizzat mill-EPSO.

Iċċekkja l-Profil tal-EPSO tiegħek regolarment. Jekk tinsab fil-lista preliminari, fil-jum tal-ftuħ tal-perjodu tal-ibbukkjar, se tirċievi stedina biex tibbukkja data għat-test. B’mod ġenerali, il-link għall-paġna tal-ibbukkjar tkun attiva biss għal ftit ġranet. Tkun tista’ tagħżel data għat-test minn firxa ta’ dati ssuġġeriti immedjatament wara l-perjodu tal-ibbukkjar.

Id-dati indikattivi tal-perjodi tal-ibbukkjar u tat-testijiet huma ppubblikati fuq il-paġni tal-profili fis-sit web tagħna.

Jekk ma tibbukkjax l-appuntament għat-test, jekk tikkanċella l-ibbukkjar jew ma tmurx għat-test fiċ-ċentru tat-testijiet, m’intix se terġa’ tiġi mistieden awtomatikament biex terġa’ tagħmel l-istess test. Jista’ jagħti l-każ li terġa’ tiġi preselezzjonat fi stadju ulterjuri għal opportunità oħra.

Is-servizzi tar-reklutaġġ jieħdu ħsieb li jfittxu u jagħżlu l-kandidati. L-EPSO huwa responsabbli biss biex jistieden il-kandidati biex jibbukkjaw għat-testijiet u biex jorganizza t-testijiet ta’ selezzjoni.

Is-sottomissjoni ta’ applikazzjoni għal proċedura ta’ selezzjoni tal-CAST Permanenti fiha nfisha ma tfissirx li se tiġi mistieden tagħmel it-testijiet. Dawk il-kandidati mqiegħda fil-lista preliminari mis-servizzi tar-reklutaġġ biss se jiġu mistiedna jagħmlu t-testijiet ta’ selezzjoni meta u jekk ikun hemm bżonn.

Il-proċess ta’ selezzjoni jikkonsisti minn dawn il-passi li ġejjin:

1. Il-kandidati jimlew u jivvalidaw l-applikazzjoni(jiet) tagħhom u jaġġornawhom mill-inqas kull sitt xhur biex jikkonfermaw l-interess tagħhom u jibqgħu viżibbli fil-bażi tad-data.
2. Meta jkun hemm bżonn, is-servizzi tar-reklutaġġ jagħżlu minn qabel (lista preliminari) mill-bażi tad-data tal-applikazzjonijiet kollha vvalidati u viżibbli numru ta’ kandidati li l-profili tagħhom jissodisfaw bl-aħjar mod ir-rekwiżiti ta’ evalwazzjoni tas-servizzi.
3. Il-kandidati magħżula minn qabel (lista preliminari) huma mistiedna għat-testijiet ta’ selezzjoni organizzati mill-EPSO. Dawn huma fil-forma ta’ testijiet b'mistoqsijiet b’għażla multipla fuq il-kompjuter organizzati f'ċentri tat-testijiet fid-dinja kollha.
4. Il-kandidati li jgħaddu mit-testijiet ta’ selezzjoni, jiġu mistiedna għal testijiet ta’ reklutaġġ organizzati mis-servizzi tar-reklutaġġ. Dawn it-testijiet jistgħu jinkludu intervista u forom oħra ta’ evalwazzjoni.
5. Il-kandidati li jgħaddu mit-testijiet tar-reklutaġġ, jistgħu jirċievu offerta ta’ impjieg.

Bl-eċċezzjoni tal-CAST Permanenti (ara aktar informazzjoni dwar din il-proċedura ta’ selezzjoni), ladarba l-applikazzjoni tiġi vvalidata, ma tistax tbiddel il-kontenut tagħha, peress li l-EPSO jipproċessa d-data tiegħek immedjatament.

Għall-CAST Permanenti:

Tista’ timmodifika l-kontenut tal-applikazzjoni(jiet) tiegħek għall-proċedura ta’ selezzjoni tal-CAST Permanenti u tapplowdja jew taġġorna s-CV tiegħek fi kwalunkwe ħin fil-Profil tal-EPSO tiegħek.

Tinsiex taġġorna l-applikazzjoni(jiet) tiegħek tal-inqas kull sitt xhur jekk tixtieq tibqa’ viżibbli għas-servizzi ta’ reklutaġġ. Dan japplika irrispettivament minn jekk għaddejtx jew le mit-testijiet.

L-applikazzjoni/jiet kollha għall-EPSO/CAST/P/1-4/2015 (CAST għall-Aġenziji Eżekuttivi) validati sal-25.11.2016 (f’nofsinhar ħin ta’ Brussell) ġew migrati awtomatikament għall-CAST Permanenti (EPSO/CAST/P/1-4/2017).

Jekk diġà għaddejt mit-testijiet ta’ selezzjoni organizzati mill-EPSO għall-EPSO/CAST/P/1-4/2015, ir-riżultati tiegħek se jibqgħu validi (10 snin għat-testijiet tar-raġunament, 5 snin għat-testijiet tal-kompetenza).

Id-dmirijiet speċifiċi jiddependu mill-profil li jinteressak. Ara l-Anness I għas-Sejħa għal Espressjoni ta’ Interess għal eżempji ddettaljati ta’ dmirijiet għal kull profil.

L-aġenti kuntrattwali huma impjegati għal perjodu limitat, b’kuntratt inizjali ta’ 6-12-il xahar.

F’xi korpi tal-UE, jista’ jkun possibbli li l-kuntratt jiġġedded għal perjodu ta’ żmien indefinit.

Il-pożizzjonijiet għal persunal b'kuntratt huma disponibbli għal firxa wiesgħa ta’ impjiegi, li jeħtieġu livelli differenti ta’ kwalifiki. Huma jinqasmu f’erba’ gruppi funzjonali:

• I. xogħol manwali jew ħidma ta’ servizz ta’ appoġġ amministrattiv
• II. ħidma klerikali jew segretarjali, tmexxija tal-uffiċċju u xogħol ieħor ekwivalenti
• III. xogħol eżekuttiv, abbozzar, kontabilità u xogħol ieħor tekniku ekwivalenti
• IV. xogħol amministrattiv, konsultattiv, lingwistiku u xogħol tekniku ekwivalenti.

Jekk jogħġbok ikkonsulta r-regoli speċifiċi tal-Kummissjoni Ewropea għall-impjegar ta' aġenti kuntrattwali bl-Ingliż, il-Franċiż jew il-Ġermaniż.