Il-Bord tas-Selezzjoni jikkunsidra biss id-dokumenti li tkun applowdjajt u llinkjajt mal-entrati rilevanti tal-applikazzjoni tiegħek għall-kompetizzjoni fil-Profil tal-EPSO tiegħek. Dawn id-dokumenti jridu jiġġustifikaw l-informazzjoni pprovduta fil-formola tal-applikazzjoni tiegħek, u li abbażi tagħha inti ġejt ammess għall-kompetizzjoni.

Kull entrata tal-formola tal-applikazzjoni online tiegħek (edukazzjoni, esperjenza professjonali u Talent Screener jekk applikabbli) trid tkun sostnuta u kkonfermata mid-dokumenti rilevanti. Kull dokument applowdjat għandu jkun illinkjat mal-entrata li jirreferi għaliha fl-applikazzjoni online tiegħek. L-istruzzjonijiet dwar kif tapplowdja d-dokumenti tiegħek jinsabu taħt Kif għandi napplowdja / nillinkja d-dokumenti ta’ sostenn tiegħi?

1. Identità: kopja tal-karta tal-identità jew tal-passaport validu tiegħek

2. Edukazzjoni

• Diploma li tagħtik aċċess għall-kompetizzjoni kif meħtieġ fl-Avviż ta’ Kompetizzjoni, Kundizzjonijiet speċifiċi — kwalifiki u esperjenza ta’ xogħol:
• • • Għall-kompetizzjonijiet AST: diplomi sekondarji u postsekondarji;
    • Għall-kompetizzjonijiet AD: diplomi postsekondarji.
• Rikonoxximent uffiċjali tad-diploma tiegħek, jekk meħtieġ: id-diplomi, kemm jekk maħruġa f’pajjiżi tal-UE kif ukoll f’pajjiżi mhux tal-UE, iridu jiġu rikonoxxuti minn korp uffiċjali tal-Istat, eż. ministeru tal-edukazzjoni ta’ Stat Membru tal-UE;
• Dokumentazzjoni dwar it-taħriġ segwit, dment li tagħti aċċess għall-kompetizzjoni (jekk jogħġbok irreferi għall-Avviż tal-kompetizzjoni).

3. Esperjenza professjonali

Perjodi ta’ esperjenza professjonali li mhumiex ikkorroborati minn deskrizzjoni tal-impjieg ma jitqisux mill-Bord tas-Selezzjoni. Kun ċert li tipprovdi dokumenti li juru n-natura tad-dmirijiet tiegħek u t-tul ta’ żmien tal-esperjenza tiegħek:

3.1. Għal xogħol b’salarju:

• Dokumenti mill-impjegatur(i) attwali u preċedenti li jiddikjaraw in-natura u l-livell tad-dmirijiet imwettqa (ittri mis-superjur ġerarkiku, rapporti ta’ evalwazzjoni li jiddeskrivu l-kompiti tiegħek, deskrizzjonijiet tax-xogħol ipprovduti mill-impjegatur tiegħek, kuntratti inklużi deskrizzjonijiet dettaljati tad-dmirijiet imwettqa,...)
• Kuntratt(i) ta’ impjieg bid-data tal-bidu u tat-tmiem, jew l-ewwel u l-aħħar dikjarazzjonijiet tal-paga.

Id-dokumenti jridu jkunu ddatati, ikollhom l-intestatura tal-kumpanija uffiċjali, it-timbru, kif ukoll l-isem u l-firma tal-persuna responsabbli.  

3.2. Għal dawk li jaħdmu għal rashom - professjonijiet liberi:

• Fatturi, kuntratti, formoli tal-ordni;
• Korrispondenza bl-email;
• Minuti tal-laqgħat;
• Kontijiet tat-taxxa;
• Sħubija f’assoċjazzjoni professjonali.

Għal aktar informazzjoni, jekk jogħġbok iċċekkja l-avviż tal-kompetizzjoni, b’mod partikolari t-taqsima “Dokumenti ta’ sostenn” u t-taqsimiet tal-FAQ dwar l-Eliġibbiltà u s-Selezzjoni abbażi tal-kwalifiki (Talent screener).

Jekk tonqos milli tipprovdi biżżejjed evidenza dokumentarja sal-iskadenza meħtieġa, tista’ titqies bħala mhux eliġibbli u eskluż mill-kompetizzjoni abbażi tan-nuqqas ta’ dokumenti ta’ sostenn.

• Qabel tibda l-applikazzjoni tiegħek, ara li d-dettalji kollha fil-profil tal-EPSO tiegħek huma aġġornati.
• Trid taqra l-Avviż tal-Kompetizzjoni/ is-Sejħa għal Espressjoni ta’ Interess u r-Regoli ġenerali li jirregolaw il-Kompetizzjonijiet Miftuħa/ ir-Regoli Ġenerali li jirregolaw is-Selezzjoni tal-Aġenti Kuntrattwali biex tiżgura li tissodisfa r-rekwiżit kollha tal-eliġibbiltà
• Issib il-link biex tapplika fis-sit web EU Careers ladarba jiftaħ il-perjodu ta’ reġistrazzjoni.
• Ħu l-ħin tiegħek biex timla l-applikazzjoni tiegħek, peress li teħtieġ xogħol konsiderevoli. Ir-responsabbiltà biex tivvalida l-applikazzjoni qabel l-iskadenza hija tiegħek biss.
• Qabel tivvalida l-applikazzjoni tiegħek, iċċekkja l-kontenut tal-applikazzjoni tab tab peress li ladarba tivvalidaha l-applikazzjoni ma tkunx tista’ tiġi modifikata aktar. 
• Trid timla l-applikazzjoni tiegħek bil-lingwa speċifikata fl-Avviż / fis-Sejħa.
• Xi formoli ta’ applikazzjoni bħalissa huma disponibbli biss bl-Ingliż, bil-Franċiż u bil-Ġermaniż. Irreferi għal din it-tabella biex issib il-labels/komponenti bil-lingwi uffiċjali kollha tal-UE.
• Indika kwalunkwe arranġament speċjali meħtieġ biex tkun tista’ tagħmel it-testijiet. L-informazzjoni hija disponibbli wkoll fis-sit web tal-EPSO. Ikkuntattjana minnufih jekk ikollok bżonn l-għajnuna bl-applikazzjoni online tiegħek.
• Għandek biss tikkopja/tippejstja minn text file (.txt) pur, billi tuża proċessur sempliċi tal-kliem (eż. NotePad fuq il-Windows, TextEdit fuq il-Mac OS X) sabiex tevita li tinserixxi spazji mhux neċessarji jew karattri inkompatibbli.
• Evita li tuża l-buttuni “forward” jew “back” tal-browser int u timla l-formola ta’ applikazzjoni u meta tiċċaqlaq bejn forom ta’ applikazzjoni differenti fil-profil tal-EPSO tiegħek (pereżempju biex taċċessa d-data mill-applikazzjonijiet preċedenti tiegħek) iżda minflok uża l-buttuni fuq l-iskrin.
• Is-sistemi tal-EPSO jappoġġjaw il-browsers tal-Internet l-aktar komuni. Jekk tiltaqa’ ma’ xi problema, jekk jogħġbok ikkunsidra li l-ewwel tibdel il-browser qabel ma tikkuntattjana. L-użu tat-tagħmir mobbli biex timla l-formola ta’ applikazzjoni mhux rakkomandat.
• Hekk kif tibda l-applikazzjoni tiegħek, se tirċievi numru tal-applikazzjoni. Dejjem semmi dan in-numru fil-korrispondenza tiegħek mal-EPSO.
• Il-kandidati se jiġu mistiedna fi stadju aktar tard tal-proċedura ta’ selezzjoni (normalment flimkien mal-istedina għaċ-Ċentru ta’ Evalwazzjoni) biex japplowdjaw dokumenti li jappoġġjaw id-dikjarazzjonijiet tagħhom fil-formola tal-applikazzjoni.
• Il-mistoqsijiet mibgħuta lis-Servizz ta’ Kuntatt tal-Kandidati tal-EPSO matul l-aħħar jiem tal-perjodu tal-applikazzjoni għandu mnejn ma jitweġbux qabel l-iskadenza għall-applikazzjonijiet.

L-istqarrija tal-privatezza tipprovdi informazzjoni dwar l-ipproċessar u l-protezzjoni tad-data personali tiegħek.

Meta joħolqu profil tal-EPSO, il-kandidati jaqblu li jirrispettaw ir-regola dwar il-profili tal-EPSO (ħolqien ta’ profil tal-EPSO wieħed).

Iva, huwa obbligatorju li int isemmi d-diplomi/il-kwalifiki kollha tiegħek.

Il-punt 1 tad-“dikjarazzjoni” fl-applikazzjoni tiegħek jistqarr: “Niddikjara fuq l-unur tiegħi li l-informazzjoni mogħtija f’din l-applikazzjoni hi vera u kompleta.” Nuqqas ta’ konformità ma’ din id-dispożizzjoni jista’ jeskludik mill-proċedura tal-għażla.

Il-kandidati fil-kompetizzjonijiet tal-EPSO jistgħu jagħżlu li d-dettalji ta’ kuntatt tagħhom jiġu żvelati lill-awtoritajiet nazzjonali tal-Istat Membru tagħhom, biex dawn l-awtoritajiet ikunu jistgħu jikkuntattjawhom b’offerti ta’ appoġġ u assistenza għall-proċess tal-għażla u tar-reklutaġġ (bħal taħriġ, sessjonijiet ta’ informazzjoni, pubblikazzjonijiet, eċċ.).

Il-kandidati jagħmlu din l-għażla meta japplikaw għal kompetizzjoni, billi jindikaw il-qbil jew in-nuqqas ta’ qbil tagħhom fit-taqsima rilevanti tal-formola tal-applikazzjoni elettronika tagħhom. Dan il-qbil jew in-nuqqas ta’ qbil huwa validu biss għall-kompetizzjoni li jkun ġie mmarkat għaliha, u għalhekk jeħtieġ li jiġi indikat kull darba li tiġi introdotta applikazzjoni ġdida.

Meta twieġeb “Iva” għall-mistoqsija rilevanti fil-formola tal-applikazzjoni tiegħek, inti tagħti l-kunsens bla ekwivoku tiegħek lill-EPSO biex jittrażmetti ismek u kunjomok, l-indirizz tal-email, u r-referenza tal-kompetizzjoni li qed tapplika għaliha, lill-awtoritajiet nazzjonali tal-Istat Membru tal-UE li int ċittadin tiegħu. L-għan ta’ din it-trażmissjoni tad-data huwa li tippermetti lill-awtoritajiet nazzjonali tiegħek jikkuntattjawk bil-għan li joffru assistenza fil-proċess tal-għażla u r-reklutaġġ fil-kuntest tal-kompetizzjoni li qed tapplika għaliha.

It-trażmissjoni tad-data personali tiegħek hi regolata bir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE, b’mod partikolari l-Artikoli 7 u 9.

Meta twieġeb “Iva” għall-mistoqsija rilevanti fil-formola tal-applikazzjoni tiegħek, inti tagħti kunsens ċar ukoll li l-awtoritajiet nazzjonali tal-Istat Membru tal-UE li int ċittadin tiegħu jipproċessaw id-data personali msemmija hawn fuq, bil-għan li joffrulek l-assistenza fil-proċess tal-għażla u r-reklutaġġ fil-kuntest tal-kompetizzjoni li qed tapplika għaliha. L-awtoritajiet nazzjonali tiegħek huma awtorizzati jipproċessaw id-data tiegħek sakemm int parteċipant fil-kompetizzjoni kkonċernata, jew sakemm tagħlaq il-lista ta’ riżerva tal-kompetizzjoni jekk ismek ikun inkluż fiha, jew sakemm tirtira l-kunsens tiegħek għall-ipproċessar tad-data tiegħek.

L-ipproċessar ta-data personali tiegħek hu regolat bir-Regolament (UE) 2016/679 tal-Parlament Ewropew u tal-Kunsill tas-27 ta' April 2016 dwar il-protezzjoni tal-persuni fiżiċi fir-rigward tal-ipproċessar ta' data personali u dwar il-moviment liberu ta' tali data, u li jħassar id-Direttiva 95/46/KE (ir-Regolament Ġenerali dwar il-Protezzjoni tad-Data).

Tista’ tirtira l-kunsens tiegħek fi kwalunkwe ħin, billi tagħmel talba bil-miktub għal dan lill-Istat Membru tiegħek. Madankollu, jekk jogħġbok innota li jekk tiddeċiedi li tirtira l-kunsens tiegħek wara li d-data tiegħek tkun diġà ntbagħtet mill-EPSO lill-Istat Membru tiegħek, dan jipprevjeni biss lill-awtoritajiet nazzjonali tiegħek milli jipproċessaw aktar id-data tiegħek, iżda ma jaffettwax il-legalità tal-ipproċessar tad-data tal-passat abbażi tal-kunsens tiegħek li seħħ qabel l-irtirar tiegħu.

Il-kunsens tiegħek għall-EPSO biex jittrażmetti d-data personali tiegħek lill-awtoritajiet nazzjonali tiegħek ma jimplika l-ebda obbligu għalik biex taċċetta kwalunkwe offerta ta’ assistenza li dawk l-awtoritajiet jistgħu joffrulek.

Il-kunsens tiegħek għall-EPSO biex jittrasmetti d-data personali tiegħek lill-awtoritajiet nazzjonali tiegħek ma jimplika l-ebda obbligu għal dawk l-awtoritajiet li jikkuntattjawk, jew li joffru assistenza; dan huwa kompletament fid-diskrezzjoni tal-Istat Membru tal-UE li int ċittadin tiegħu.

Għal kull mistoqsija, trid twieġeb billi tikklikkja “iva” jew “le”.

Jekk twieġeb iva, għandek twieġeb sottomistoqsija.

Jekk twieġeb le, jekk jogħġbok mur għall-mistoqsija li jmiss.

Issir enfasi fuq l-elementi differenti tal-esperjenza u l-kwalifiki professjonali, li jirriflettu l-ħtiġijiet attwali tar-reklutaġġ tal-istituzzjonijiet.

B’mod ġenerali, se tintalab tiddeskrivi l-edukazzjoni, it-taħriġ u l-esperjenza professjonali tiegħek rilevanti għall-mistoqsija. Tista’ tintalab informazzjoni bħall-isem tal-impjegaturi, id-deskrizzjoni tal-impjiegi, id-dati tal-bidu u tat-tmiem, il-persentaġġ tal-ħin li qattajt fuq kompitu partikulari, eċċ.

Jekk jogħġbok ikkonsulta l-Avviż tal-Kompetizzjoni sabiex tara kemm kandidati se jiġu mistiedna għall-istadju li jmiss tal-kompetizzjoni. Madankollu l-massimu hu spiss 3 darbiet in-numru tal-kandidati li rnexxew.

Biex tikkwalifika għall-istadju li jmiss jeħtieġlek takkwista punteġġ għoli biżżejjed biex tkun fost il-kandidati fil-quċċata tal-klassifika. 

Il-bord ta’ selezzjoni adotta kriterji ta’ evalwazzjoni oġġettivi qabel is-selezzjoni u skont l-avviż tal-kompetizzjoni.

Għalhekk il-punteġġ jirrifletti l-ġudizzju tal-bord ta’ selezzjoni dwar kemm l-informazzjoni pprovduta fl-applikazzjoni tiegħek issodisfat b’mod tajjeb il-kriterji fil-karta ta’ evalwazzjoni.

Le, is-selezzjoni abbażi ta’ kwalifiki hi bbażata BISS fuq it-tweġibiet li int ipprovdejt fit-tab tal-Evalwatur tal-Kapaċitajiet.

Il-bord tas-selezzjoni mhux se jirreferi għal informazzjoni pprovduta xi mkien ieħor fl-applikazzjoni tiegħek.

Kriterji ta’ evalwazzjoni oġġettivi huma adottati qabel is-selezzjoni, skont l-avviż tal-kompetizzjoni, u huma applikati b’mod rigoruż għall-kandidati kollha sabiex jiġi żgurat trattament ugwali.

Billi sett ta’ numru ta’ kandidati biss jistgħu jgħaddu għall-istadju li jmiss, huma mistednin biss dawk bl-ogħla punteġġi. Dawn il-kandidati għandhom punteġġ ugwali jew ogħla mil-livell limitu.

Lista ta’ kandidati li kellhom suċċess tiġi ppreżentata mill-Bord tas-Selezzjoni f’ordni dixxendenti tal-punteġġ totali miksub.

Sabiex jiġi definit il-livell minimu, il-punteġġi tal-kandidati huma klassifikati f’ordni dixxendenti. Imbagħad il-bord jagħżel il-kandidati fil-kategorija għolja li jistgħu jiġu mistednin għall-istadju li jmiss tal-kompetizzjoni (ara l-mistoqsija: “kemm se jmorru kandidati mill-Evalwatur tal-Kapaċitajiet għall-istadju li jmiss”). Il-livell minimu hu l-punteġġ tal-aħħar kandidat fil-lista.

Warrab ftit tal-ħin biex tiżgura li fl-Evalwatur tal-Kapaċitajiet tipprovdi lill-bord tas-selezzjoni bl-informazzjoni kollha li se jeħtieġ biex jivvaluta t-tweġibiet tiegħek. Agħmilha ċara għall-bord tas-selezzjoni sabiex ikun jista’ jivvaluta jekk int tissodisfax il-kriterji speċifikati għall-profil mixtieq. Bis-saħħa tal-istrutturar tat-tweġibiet tiegħek madwar dawn il-kriterji, se tagħmel l-Evalwatur tal-Kapaċitajiet tiegħek aktar rilevanti u eħfef għall-evalwazzjoni.

Agħti attenzjoni partikulari lil dak li hu mitlub u wieġeb b’mod xieraq. Ġeneralment se tkun mitlub li tiddeskrivi l-aspetti tal-edukazzjoni, it-taħriġ u l-esperjenza professjonali tiegħek pertinenti għall-mistoqsija. Tista’ tintalab informazzjoni ta’ din ix-xorta bħall-isem ta’ impjegaturi, id-deskrizzjonijiet tal-impjiegi, id-dati tal-bidu u tat-tmiem, il-perċentwali ta’ ħin mgħoddi fuq kompitu partikulari, eċċ.

Il-Bord se jagħti punti abbażi tar-rilevanza, it-tul ta’ żmien, il-livell ta’ kompiti u ta’ responsabbiltajiet speċifikati fit-tab tal-Evalwatur tal-Kapaċitajiet tal-applikazzjoni online tiegħek.

L-għażla tal-kriterji ta’ selezzjoni hi definita abbażi tal-ħiliet meħtieġa għall-impjiegi li jridu jimtlew u l-interessi tas-servizz li qed jirrekluta.

Imbagħad il-kriterji ta’ selezzjoni jiġu ppreżentati fl-Evalwatur tal-Kapaċitajiet bħala sensiela ta’ mistoqsijiet.

Il-bord tas-selezzjoni se jassenja lil kull kriterju jew mistoqsija tas-selezzjoni piż li jirrifletti l-importanza tagħhom, minn 1 sa 3.

Kull waħda mit-tweġibiet tal-kandidat se tingħata bejn 0 u 4 punti. 

Il-punti huma multiplikati bil-“piż” u jingħaddu biex jingħata punteġġ. Il-punteġġ jiġi kklassifikat skont il-punteġġi tal-kandidati l-oħrajn biex jiġu identifikati l-profili tal-kandidati li jissodisfaw bl-aħjar mod id-doveri li għandhom jitwettqu.

L-Evalwatur tal-Kapaċitajiet hu ddisinjat biex jgħin lill-bordijiet tas-selezzjoni ta’ kompetizzjonijiet għall-profili ta’ speċjalisti jidentifikaw il-kandidati li l-profil tagħhom jikkorrispondi l-aktar mad-doveri u l-kriterji tas-selezzjoni stabbiliti fl-avviż tal-kompetizzjoni.

Se jkollok twieġeb sensiela ta’ mistoqsijiet fit-taqsima tal-evalwatur tal-kapaċitajiet tal-formola ta’ applikazzjoni online. Il-mistoqsijiet huma bbażati fuq il-kriterji tas-selezzjoni fl-avviż tal-kompetizzjoni u t-tweġibiet tiegħek se jiġu evalwati mill-bord tas-selezzjoni.

Il-kandidati kollha f’kompetizzjoni jwieġbu l-istess sett ta’ mistoqsijiet. B’dan il-mod, il-bord tas-selezzjoni hu ppreżentat bit-tweġibiet ta’ kull kandidat fl-istess qafas strutturat li jgħinu jwettaq evalwazzjoni oġġettiva bir-reqqa tal-meriti komparattivi tal-kandidati kollha.

Il-bord tas-selezzjoni jiżgura din l-evalwazzjoni oġġettiva billi jintużaw kriterji ta’ evalwazzjoni prestabbiliti għall-kandidati kollha fl-istess qasam tal-kompetizzjoni.

L-aċċessibbiltà hi importanti ħafna għall-EPSO. Aħna naħdmu b’mod kontinwu biex intejbu l-aċċessibbiltà tal-proċeduri ta’ komunikazzjoni u selezzjoni tagħna.

Madankollu, jekk tiltaqa’ ma’ diffikultajiet marbuta mal-aċċessibilità fil-profil tal-EPSO tiegħek jew fis-sit web tagħna, jekk jogħġbok ikkuntattjana minnufih biex taqsam l-osservazzjonijiet, il-problemi u r-rakkomandazzjonijiet tiegħek.

Għal aktar informazzjoni dwar il-ħidma tal-EPSO biex titjieb l-aċċessibilità, jekk jogħġbok żur il-paġna web iddedikata tagħna għall-opportunitajiet indaqs.

Is-sistemi tal-EPSO jappoġġjaw il-browsers tal-Internet bl-aktar użu komuni. Jekk tiltaqa’ ma’ kwistjonijiet, jekk jogħġbok ikkunsidra li l-ewwel tibdel il-browser qabel ma tikkuntattjana. L-użu tat-tagħmir mobbli biex timla l-formola ta’ applikazzjoni mhux rakkomandat.

Evita li tuża l-buttuni “forward” jew “back” tal-browser int u timla l-formola ta’ applikazzjoni u meta tiċċaqlaq bejn forom ta’ applikazzjoni differenti fil-kont tal-EPSO tiegħek (pereżempju biex taċċessa d-dejta mill-applikazzjonijiet preċedenti tiegħek) iżda minflok uża l-buttuni fuq l-iskrin (Lura għall-kont).

Għandek biss tikkopja/tippejstja minn text fajl (.txt) pur, billi tuża proċessur sempliċi tal-kliem (p.e. NotePad on Windows, TextEdit on Mac OS X) sabiex tevita li tinserixxi spazji mhux neċessarji jew karattri inkompatibbli. 

Jekk ma tistax tivvalida l-applikazzjoni tiegħek, għandek tiċċekkja t-tab “Ħarsa Ġenerali” tal-applikazzjoni tiegħek. L-informazzjoni li tidher bl-aħmar hija nieqsa jew inkella żbaljata.

F’każ ta’ problemi persistenti, għandek tikkuntattja lis-Servizz ta’ Kuntatt tal-Kandidati tal-EPSO immedjatament u fi kwalunkwe każ ferm qabel l-iskadenza peress li ma nistgħux niggarantixxu tweġiba jekk il-mistoqsija tiegħek tintbagħat anqas minn 5 ijiem qabel l-iskadenza. Jekk jogħġbok innota li l-applikazzjonijiet li ma jintbagħtux sad-data ta’ skadenza ma jistgħux jitqiesu.

Trid tapplika permezz tas-sit web dwar il-Karrieri tal-UE. 

Jekk jogħġbok oħroġ mill-Profil tal-EPSO tiegħek qabel ma tikklikkja “Applika”. Se tintalab terġa’ tilloggja fil-paġna li jmiss.

Le. Trid toħloq u tibgħat applikazzjoni ġdida permezz tal-profil tiegħek tal-EPSO għal kull proċedura ta' selezzjoni li tixtieq tapplika għaliha.

Iva, tista’ tapplika għal kwalunkwe proċess ta' selezzjoni li int eliġibbli għalih, sakemm ma jkunx iddikjarat mod ieħor fl-Avviż/fis-Sejħa. Jekk jogħġbok innota li tista’ tissottometti applikazzjoni waħda għal kull profil u/jew grupp ta’ funzjoni.

L-iskadenza għar-reġistrazzjoni se tkun iddikjarata b’mod ċar fuq kull Avviż/Sejħa u fis-sit web tal-EPSO.

M’hemm bżonn tibgħat ebda dokument ta’ sostenn meta tissottometti l-applikazzjoni tiegħek.

Int se tintalab tipprovdi kopji tad-dokumenti, id-diplomi u ċ-ċertifikati ta' sostenn tiegħek li jikkonfermaw l-eliġibbiltà tiegħek fi stadju aktar tard tal-proċedura ta' selezzjoni.

Applika online għal waħda mill-proċeduri ta’ selezzjoni ppubblikati fis-sit web tal-EPSO. Irid ikollok Profil tal-EPSO biex tkun tista’ tapplika. L-applikazzjonijiet spontanji ma jistgħux jitqiesu.