Testijiet tal-EPSO
Il-kompetizzjonijiet jew il-proċeduri ta’ selezzjoni tal-EPSO jinkludu sensiela ta’ testijiet immirati lejn il-valutazzjoni tal-kompetenzi ġenerali u speċifiċi.
L-Avviż ta’ Kompetizzjoni huwa l-uniku dokument uffiċjali li fih informazzjoni dettaljata dwar it-testijiet proprja użati mill-EPSO għal kompetizzjoni partikolari.
L-avviżi kollha jiġu ppubblikati f’Il-Ġurnal Uffiċjali tal-Unjoni Ewropea.
Din il-paġna fiha xi eżempji ta’ testijiet li jistgħu jintużaw mill-EPSO fil-kompetizzjonijiet tiegħu, maħsuba biss biex il-kandidati prospettivi jsiru aktar familjari mal-istruttura u l-kontenut tagħhom. Din il-paġna mhijiex maħsuba biex tħarreġ lill-kandidati biex jgħaddu mit-testijiet ta’ selezzjoni tagħna. Dan ma jaqax taħt il-mandat tal-EPSO.
Jekk tixtieq issir taf aktar dwar il-proċeduri ta’ selezzjoni tal-EPSO, nissuġġerulek tara wkoll il-paġna Testijiet tal-EPSO: Miti u Fatti.
Nistednuk ukoll taqra l-qafas ta’ kompetenza ġenerali tal-EPSO għal aktar informazzjoni dwar il-kompetenzi meqjusa essenzjali għal prestazzjoni effettiva fi kwalunkwe impjieg partikolari, mill-istituzzjonijiet u l-korpi tal-UE li jservi l-EPSO. Uħud minn dawk il-kompetenzi jiġu vvalutati mill-EPSO matul il-fażi tas-selezzjoni, oħrajn jiġu vvalutati mill-istituzzjonijiet u l-korpi tal-UE nfushom matul il-fażi ta’ reklutaġġ.
Important information
L-EPSO ma joffrix korsijiet jew materjal ta’ tħejjija apparti t-testijiet kampjun ta’ hawn taħt, u lanqas ma japprova pubblikazzjonijiet jew korsijiet ta’ taħriġ magħmulin disponibbli minn entitajiet oħrajn.
Jekk jogħġbok iċċekkja l-lista ta’ kuntatt għat-taħriġ u l-appoġġ tal-Istati Membri biex tiskopri t-taħriġ u l-appoġġ ipprovduti minn xi wħud minnhom.