Traineeships

Jekk tixtieq tieħu idea ta’ karriera mal-istituzzjonijiet tal-UE, għax ma tapplikax għal traineeship?

Kull sena, madwar 1,900 żagħżugħ u żagħżugħa jingħataw l-opportunità li jtejbu l-ħiliet professjonali tagħhom, jiżviluppaw il-kwalitajiet personali tagħhom u jżidu l-għarfien tagħhom dwar l-UE permezz tal-programmi tat-trainees tal-UE. Ħafna mill-istituzzjonijiet tal-UE jorganizzaw traineeships għall-gradwati żgħażagħ, u kull waħda normalment iddum bejn 3 u 5 xhur.

It-traineeships huma disponibbli f’firxa wiesgħa ta’ oqsma u joffru ħafna tagħrif dwar il-ħidma tal-UE. Il-kontenut tal-impjieg fil-biċċa l-kbira jiddependi fuq is-servizz fejn tiġi assenjat. Ikunu disponibbli opportunitajiet fl-oqsma tal-liġi tal-kompetizzjoni, ir-riżorsi umani, il-politika ambjentali, il-komunikazzjoni u ħafna aktar.

Il-proċeduri tal-għażla għat-traineeships isiru mill-istituzzjonijiet u l-aġenziji individwali tal-UE stess. Hawn taħt tista’ tara xi wħud mill-opportunitajiet disponibbli. Jekk jogħġbok innota li forsi mhux l-opportunitajiet kollha disponibbli qed jintwerew fuq dan is-sit.

 

Traineeships

Miftuħa għal applikazzjoni: 29/04/2019 - 00:00
Data tal-għeluq: ebda skadenza ta' żmien għall-applikazzjoni
Postijiet: Ljubljana (is-Slovenja)

 

Il-Programm ta’ Traineeship huwa prinċipalment immirat għall-gradwati universitarji żgħażagħ, mingħajr ma jiġu esklużi dawk li, fil-qafas tat-tagħlim tul il-ħajja, dan l-aħħar kisbu lawrja universitarja u huma fil-bidu ta’ karriera professjonali ġdida. 

Min jista’ japplika: 

  • Ċittadini ta’ Stat Membru tal-Unjoni Ewropea li għandhom 18-il sena jew aktar.
  • L-applikanti jrid ikollhom livell ta’ edukazzjoni li jikkorrispondi għal studji universitarji mitmuma, iċċertifikati b’diploma (mogħtija fl-Istati Membri tal-UE jew li huma soġġetti għaċ-ċertifikati ta’ ekwivalenza maħruġa mill-Awtoritajiet tal-Istati Membri), meta l-perjodu normali tal-edukazzjoni universitarja jkun ta’ tliet snin jew aktar.
  • L-applikanti ma jistgħux ikunu diġà bbenefikaw jew jibbenefikaw minn kwalunkwe tip ta’ traineeship fi ħdan istituzzjoni jew korp tal-Unjoni Ewropea jew ikollhom xi tip ta’ impjieg fi ħdan istituzzjoni jew korp tal-Unjoni Ewropea.

Tul taż-żmien: 6 xhur

Bi ħlas: Iva. EUR 600 (Għotja ta’ kull xahar) u EUR 350 (Allokazzjoni ta’ Akkomodazzjoni).

Dati tal-Bidu: L-1 ta’ Settembru jew l-1 ta’ Marzu.