Skip to main content
Logo tal-Kummissjoni Ewropea

Studenti Ambaxxaturi ta’ EU Careers

Picture showing a group of students

INGĦAQAD MAT-TIM TAGĦNA

Inti student universitarju interessat li tikseb esperjenza ta’ xogħol u kuntatti? Tħossok soċjevoli, motivat u entużjast dwar l-UE? 
Mela tista’ tkun l-ambaxxatur tal-prodott li jmiss tagħna! Qed infittxu voluntiera biex nippromwovu opportunitajiet ta’ karriera mal-UE f’varjetà ta’ universitajiet madwar l-UE.

Inti se:

  • Tiskopri aktar dwar l-opportunitajiet ta’ karriera mal-UE u tippromwovihom ma’ sħabek l-istudenti
  • Tibni network eċċellenti tal-istudenti madwar l-Ewropa
  • Tikseb esperjenza ta’ xogħol biex tagħti aktar piż lis-CV tiegħek
  • Tiżviluppa l-ħiliet tiegħek fit-taħdit fil-pubbliku, il-kummerċjalizzazzjoni u r-riżorsi umani 
  • Tirċievi taħriġ sħiħ ta’ induzzjoni u kkowċjar matul iż-żmien tiegħek f'dan ir-rwol
  • Tiltaqa’ ma’ uffiċjali għolja tal-UE
  • Tirċievi ittra ta’ referenza bbażata fuq il-prestazzjoni tiegħek
  • Taġixxi bħala punt ta’ kuntatt għal studenti interessati fl-EU Career 
  • Tiżviluppa networks universitarji u l-għoti ta’ informazzjoni dwar l-impjiegi fl-UE
  • Iżomm preżenza attiva online u fuq il-media soċjali
  • Tagħmel preżentazzjonijiet, tattendi l-avvenimenti tal-università dwar il-karrieri u ssib kelliema interessanti
  • Twieġeb mistoqsijiet dwar opportunitajiet ta’ karriera mal-UE
  • Tirriċerka dwar gruppi fil-mira u tikkuntattja l-media tal-università
  • Tistabbilixxi listi ta’ indirizzi u tqassam informazzjoni dwar l-impjiegi fl-UE permezz ta’ mezzi xierqa

Tgħallem aktar mill-Ambaxxaturi tal-EU Careers:

  • Torganizza jew tieħu sehem f’minimu ta’ avveniment wieħed jew preżentazzjoni waħda tal-EU Career
  • Timpenja ruħek tal-anqas għal sagħtejn fil-ġimgħa għar-rwol tiegħek ta’ ambaxxatur
  • Tikkomunika mal-koordinatur tiegħek tal-EU Careers fuq bażi regolari
  • Tipparteċipa fl-attivitajiet kollha ta’ taħriġ ipprovduti online mill-EPSO 
  • Iżżomm reġistru tal-attivitajiet tiegħek u tirrapporta lura b’mod regolari
  • Ħiliet eċċellenti ta’ komunikazzjoni u networking
  • Rieda li taqsam u titgħallem
  • Ħiliet tajba ta’ organizzazzjoni
  • Kapaċità li twassal il-kwalità u r-riżultati

Ikun f’idejk li tiddeċiedi kemm tista’ tagħmel xogħol promozzjonali flimkien mal-istudji akkademiċi tiegħek. Qed infittxu ambaxxaturi kreattivi li jistgħu joħorġu b’modi innovattivi għall-promozzjoni tal-EU Career!

Il-proċess tas-selezzjoni għas-sena akkademika 2023/2024 se jibda fi Frar/Marzu 2023.

Applika jekk int: 

  • Ċittadin tal-UE;
  • Profiċjenti fl-Ingliż u fil-lingwa tal-pajjiż li fih qed tistudja;
  • Disponibbli biex tipparteċipa fil-kors ta’ taħriġ obbligatorju tagħna ta’ ġurnata f’Ottubru 2023;
  • Irreġistrat u preżenti fl-università għat-tul ta’ żmien kollu tal-kariga ta’ ambaxxatur (Ottubru 2023 - Settembru 2024);
  • Student ta’ waħda minn dawn l-universitajiet parteċipanti.

Jekk jogħġbok innota li l-lista tal-universitajiet parteċipanti ġiet stabbilita f’kollaborazzjoni mal-gvernijiet nazzjonali. Bħalissa ma nistgħux nappoġġjaw ambaxxaturi minn universitajiet oħrajn.

Jekk l-università tiegħek mhix fuq din il-lista, jekk jogħġbok żur din il-paġna fil-bidu tas-sena d-dieħla biex tiċċekkja l-lista l-ġdida u aġġornata tagħna.

Ikkuntattjana:

Jekk għandek xi mistoqsijiet, toqgħodx lura milli tikkuntattjana fuq: EPSO-CAREERS-AMBASSADOR@ec.europa.eu