Ingħaqadt mas-Servizz Ewropew għall-Azzjoni Esterna bħala uffiċjal tal-politika fl-2020 biex naħdem fuq kwistjonijiet trasversali fil-ħidma tal-UE għall-paċi u s-sigurtà. Niffoka b’mod partikolari fuq l-interkonnessjonijiet bejn it-tibdil fil-klima u s-sigurtà, iżda wkoll fuq is-saħħa, ir-riżorsi naturali u l-migrazzjoni fil-kuntest tal-ġestjoni tal-kriżijiet fl-azzjoni esterna tal-UE. Xogħli jinkludi l-iżvilupp ta’ politiki u prattiki ġodda, it-tfassil ta’ dokumenti u briefings u l-organizzazzjoni ta’ avvenimenti differenti.

Is-Servizz Ewropew għall-Azzjoni Esterna huwa s-servizz diplomatiku tal-UE u fil-ħidma tiegħi dan ifisser li ta’ kuljum ninsab f’kuntatt ma’ sħab minn madwar id-dinja.

Qabel il-pożizzjoni attwali tiegħi, ħdimt bħala uffiċjal tal-istampa fil-Parlament Ewropew u bħala l-punt fokali tad-drittijiet tal-bniedem fid-Delegazzjoni tal-UE fl-Iżrael. L-isfond akkademiku tiegħi jikkonsisti f’Masters fix-Xjenzi Soċjali u Masters fir-Relazzjonijiet Esterni u d-Diplomazija tal-UE.