An Comhghnóthas um Eitlíocht Ghlan, is comhpháirtíocht phríobháideach phoiblí é a sheol an tAontas Eorpach, trí ionadaíocht ón gCoimisiún Eorpach, agus earnáil eitlíochta na hEorpa faoin gclár Fís Eorpach – an Clár Réime um Thaighde agus um Nuálaíocht.

Mar chomhpháirtíocht phríobháideach phoiblí Eorpach, cuireann an Comhghnóthas um Eitlíocht Ghlan eolaíocht na haerloingseoireachta chun tosaigh thar theorainneacha na samhlaíochta trí theicneolaíochtaí nua a chruthú a laghdóidh tionchar thionscal na heitlíochta ar an bpláinéad ar dhóigh shuntasach, rud a fhágann go bhféadfaidh na glúnta atá le teacht tairbhe a bhaint as buntáistí sóisialta agus eacnamaíocha an aerthaistil san am atá le teacht.