Tá creat inniúlachtaí in úsáid ag EPSO ó 2010 i leith, ina bhfuil 8 n-inniúlacht ghinearálta. D’fhoilsigh EPSO a chreat inniúlachtaí nua go luath in 2022. Tosaíodh ar an gcreat inniúlachta nua seo a úsáid in 2023.

Sainítear sa chreat inniúlachta na hinniúlachtaí a mheasann na hinstitiúidí agus na comhlachtaí den Aontas Eorpach ar a bhfreastalaíonn EPSO a bheith riachtanach chun feidhmiú go héifeachtach in aon phost ar leith. Is é EPSO a dhéanann measúnú ar chuid de na hinniúlachtaí sin le linn chéim an roghnúcháin, agus is iad na hinstitiúidí agus na comhlachtaí den Aontas Eorpach a dhéanann measúnú ar an gcuid eile le linn chéim na hearcaíochta. 

I gcás na bpróifílí speisialaithe, tabhair do d’aire go mbíonn na hinstitiúidí den Aontas Eorpach ag lorg iarrthóirí ardcháilithe ina réimse saineolais féin. Is féidir teacht ar eolas san fhógra comórtais i gcónaí maidir leis na hinniúlachtaí réimse-shonracha agus faoi na trialacha lena ndéantar na hinniúlachtaí ginearálta agus na hinniúlachtaí réimse-shonracha a mheas. Is é an fógra comórtais an t-aon doiciméad oifigiúil ina bhfuil eolas mionsonraithe faoi na trialacha beachta a úsáideann EPSO i gcomórtas ar leith. Is in Iris Oifigiúil an Aontais Eorpaigh a fhoilsítear gach fógra.

Féach thíos na hinniúlachtaí ginearálta agus na hancairí a ghabhann leo.

Chun eolas a chur ar struchtúr agus ábhar na dtrialacha roghnúcháin a úsáideann EPSO sna comórtais, téigh chuig an leathanach tiomanta seo: Trialacha EPSO | EU Careers (europa.eu)