Faoin téarma ‘triail scríofa’, tá trí chineál éagsúla trialacha ann a mbainfidh EPSO úsáid astu de réir na riachtanas a chuirfidh na seirbhísí earcaíochta in iúl i gcomhréir leis an bhfógra comórtais lena mbaineann:

1.        Triail scríofa a bhaineann le réimse/réimsí an chomórtais, lena ndéantar measúnú ar scileanna cumarsáide scríofa agus na scileanna sin amháin. 
2.        Triail scríofa réimse-shonrach lena ndéantar measúnú ar scileanna cumarsáide scríofa agus ar eolas an iarrthóra i réimse ábhartha an chomórtais.
3.        Aiste shaorthéacs ar chúrsaí an Aontais Eorpaigh lena ndéantar measúnú ar scileanna cumarsáide scríofa agus na scileanna sin amháin. 

Beidh ar na hiarrthóirí freagra a thabhairt ar thasc/tascanna na trialach bunaithe ar na doiciméid a chuireann EPSO ar fáil agus a bhaineann le réimse/réimsí an chomórtais.

Ní triail teanga atá sa triail scríofa. Déanfar measúnú ar iarrthóirí ar bhonn na n-ancairí sonracha atá liostaithe thíos (is éard is ‘ancairí’ ann na gnéithe a chuireann na marcálaithe trialacha, i.e. na measúnóirí, san áireamh agus measúnú á dhéanamh acu ar inniúlacht ar leith).

‘Ancairí’ le haghaidh scileanna cumarsáide scríofa:

Déanann an t-iarrthóir an méid seo a leanas:

• Scríobhann sé go hachomair gan focail agus abairtí a úsáid nach bhfuil gá leo.
• Cuireann sé ábhar i láthair ar bhealach intuigthe.
• Déanann sé a chuid scríbhneoireachta a oiriúnú dóibh siúd ar a bhfuil sé ag díriú agus don chuspóir atá beartaithe.
• Úsáideann sé an t-eolas a chuirtear ar fáil chun déileáil leis an tasc.
• Déanann sé an chumarsáid scríofa a struchtúrú le sreabhadh loighciúil smaointe.

It’s the responsibility of the Selection Board appointed for the competition to interpret and evaluate the eligibility requirements and accept or refuse the information you submit. The results of this evaluation will be published in your EPSO Account together with the test results.

In the notice of competition you will find information on the eligibility criteria (incl. on qualification and professional experience), as well as useful information on the duties. Any interpretation of the terms are only the prerogative of the Selection Board, not of EPSO.

We suggest you to carefully read the notice of competition and to provide precise and exhaustive information in your application on your qualification and professional experience.

In line with the requirement sin the notice of competition, you are also required to upload supporting documents to your EPSO Account and to link the documents to the relevant entries in your application form. Please also check our relevant information on the supporting documents.

Go ginearálta, is féidir le hiarrthóirí an fhoirm iarratais a líonadh isteach in aon cheann de 24 theanga oifigiúla an Aontais Eorpaigh.

Mar sin féin, molann EPSO d’iarrthóirí an fhoirm a líonadh i mBéarla, rud a fhágfaidh nach gá aistriúchán a dhéanamh. Má bhíonn gach iarratas ar fáil i mBéarla – an teanga atá ag gach comhalta den bhord roghnúcháin – éascófar agus cuirfear dlús leis na seiceálacha incháilitheachta dá bharr. Go deimhin, tá CV i mBéarla ag go leor iarrthóirí cheana ar spéis leo gairmeacha idirnáisiúnta. Éascófar an cuardach ar iarrthóirí oiriúnacha le linn na céime earcaíochta dá bharr sin uile.

I gcás iarrthóirí ar fearr leo teanga eile a úsáid, cuirtear uirlis aistriúcháin uathoibríoch ar fáil (eTranslation) chun a n-ionchur a aistriú go Béarla. Is uirlis mheaisínaistriúcháin é eTranslation atá á chur ar fáil ag an gCoimisiún Eorpach. Tá rochtain ar eTranslation faoi chosaint na seirbhíse EU-Login. Cláraigh anseo chun an uirlis a úsáid.

Chun cruinneas an téacs aistrithe a chinntiú san fhoirm iarratais, arb iad na hiarrthóirí atá freagrach as agus iad sin amháin, molann EPSO d’iarrthóirí seiceáil chúramach a dhéanamh ar a bhfuil ann sula mbailíonn siad a n-iarratas. Tá tuilleadh eolais ar fáil faoi eTranslation ar an leathanach ráitis aistriúcháin

Ní mór d’iarrthóirí cóipeanna scanta dá gcuid doiciméad ábhartha a uaslódáil agus a nascadh mar thacú leis an eolas ina bhfoirm iarratais faoin sprioc-am san fhógra comórtais.

Tabhair faoi deara: Iarrthóirí i bpróisis roghnúcháin le haghaidh gníomhairí ar conradh (CAST/P), níor cheart dóibh na doiciméid tacaíochta a nascadh lena n-iarratas CAST/P.

Ní mór d’iarrthóirí cóipeanna scanta dá gcuid doiciméad ábhartha a chur ar fáil mar thaca leis an eolas ina bhfoirm iarratais. Ní mór duit na doiciméid sin:

A. a uaslódáil chuig do chuntas EPSO,
B. a nascadh le d’fhoirm iarratais.

Sonraí maidir leis na doiciméid tacaíochta atá le huaslódáil, is féidir teacht orthu sin sna rialacha ginearálta lena rialaítear comórtais oscailte a ghabhann leis an bhfógra comórtais.

Foilsítear san fhógra comórtais an sprioc-am faoinar gá d’iarrthóirí na cóipeanna scanta de na doiciméid a uaslódáil chuig a gcuntas EPSO agus iad a nascadh lena n-iarratas.

A. Na doiciméid a uaslódáil chuig do chuntas EPSO

Uaslódáil na cóipeanna scanta de do chuid doiciméad chuig do chuntas EPSO trí chliceáil ar an gcnaipe ‘Doiciméid tacaíochta a uaslódáil’ i do chuntas EPSO.

D'fhéadfadh baint a bheith ag na doiciméid tacaíochta ábhartha le ceann de na 4 chineál comhaid seo a leanas:

1. cárta aitheantais / pas,
2. oideachas agus oiliúint,
3. taithí oibre,
4. doiciméid eile.

Is féidir leat suas le 20 comhad i gcatagóirí 1, 2 agus 4 a uaslódáil agus suas le 50 comhad i gcatagóir 3 (uasmhéid 2MB in aghaidh an chomhaid).

Ní mór na doiciméid a bheith i bhformáid PDF nó JPG. Ní thacaítear le formáidí comhaid eile.

Smaoinigh ar do dhoiciméad a athainmniú i gcás teachtaireacht earráide: ná húsáid ach aon phonc amháin (.) roimh an iarmhír chomhadainm (pdf, jpg) agus seachain carachtair speisialta (_-/ etc.) agus spásanna bána in ainm an chomhaid.

Is féidir leat doiciméad atá uaslódáilte cheana a fheiceáil trí chliceáil ar an deilbhín ‘Taispeáin’ (cruth súile air), agus doiciméad a scriosadh trí chliceáil ar dheilbhín an bhosca bruscair. Ní féidir ach doiciméad nach bhfuil nasctha fós le hiarratas, nó nach bhfuil nasctha leis a thuilleadh, a scriosadh.

B. Doiciméid a nascadh le d’iarratas

Nuair a bheidh do chuid doiciméad uaslódáilte chuig do chuntas EPSO agat, ní mór duit iad a nascadh leis na sonraí ábhartha i d’fhoirm iarratais trí chliceáil ar an gcnaipe ‘Link supporting documents’ atá le fáil in aice le gach iarratas sa chlib ‘Iarrata(i)s’ i do chuntas EPSO.

Trí chliceáil ar an gcnaipe ‘Link supporting documents’, gheobhaidh tú rochtain ar liosta na ndoiciméad tacaíochta atá uaslódáilte chuig do chuntas EPSO. Déantar na doiciméid a ghrúpáil de réir ‘Cineál comhaid’. I gcás gach iontrála faoi ‘Oideachas agus Oiliúint’ agus ‘Taithí Ghairmiúil’, ní mór duit doiciméad a uaslódáladh roimhe sin a nascadh sa chineál comhaid comhfhreagrach. Ní mór doiciméad nasctha a bheith mar thaca le do chárta aitheantais / do phas.

D'fhéadfá na gníomhaíochtaí seo a leanas a dhéanamh:

1. An doiciméad a thaispeáint (‘View’) (cruth súile air),
2. An doiciméad a nascadh (cruth slabhra air),
3. Na doiciméid uile a dhínascadh (deilbhín ‘All’ ag an mbarr),
4. An doiciméad a dhínascadh (cruth slabhra bhriste air).

Ní chuirfear na doiciméid tacaíochta ar aghaidh chuig na seirbhísí earcaíochta.

Ní chuirfidh an bord roghnúcháin san áireamh ach na doiciméid a d’uaslódáil tú i do chuntas EPSO go cuí agus atá nasctha agat leis na hiontrálacha ábhartha i d’iarratas ar chomórtas. Ní mór na doiciméid sin a bheith ina n-údar cuí leis an eolas a tugadh i d’fhoirm iarratais, eolas a bhfuil tú á ghlacadh isteach sa chomórtas ar a bhonn.

Gach iontráil i d’fhoirm iarratais ar líne (oideachas, taithí oibre), ní mór doiciméid ábhartha a chur ar fáil lena ndeimhniú agus le tacú leo. Ba cheart gach doiciméad a uaslódáiltear a nascadh leis an iontráil dá dtagraíonn sé i d’iarratas ar líne. Tá treoracha ar fáil maidir le conas do dhoiciméid a uaslódáil faoi Cén chaoi ar cheart dom mo chuid doiciméad tacaíochta a uaslódáil/a nascadh?

1. Céannacht: cóip de do chárta aitheantais bailí nó de do phas bailí

2. An t-oideachas:

• Dioplóma lena dtugtar rochtain duit ar an gcomórtas de réir mar a cheanglaítear san fhógra comórtais, Coinníollacha sonracha – cáilíochtaí agus taithí oibre:
  • I gcás comórtas AST: dioplómaí meánscoile agus iar-mheánscoile;
  • I gcás comórtas AD: dioplómaí iar-mheánscoile.
• Aitheantas oifigiúil do dhioplóma, más gá: caithfidh gach dioplóma, is cuma cé acu i mBallstát den Aontas nó i dtír nach Ballstát den Aontas í a eisíodh é, a bheith aitheanta ag comhlacht oifigiúil Stáit, e.g. roinn oideachais i mBallstát den Aontas. Féach freisin An nglactar le cáilíocht/dioplóma a eisíodh i dtír nach Ballstát den Aontas Eorpach í?
• Doiciméadacht maidir leis an oiliúint atá curtha i gcrích, ar choinníoll go dtugtar rochtain ar an gcomórtas léi (féach an fógra comórtais).

3. Taithí ghairmiúil:

Ní chuirfidh an bord roghnúcháin san áireamh tréimhsí taithí oibre nach gcomhthacaíonn sainchuntas poist leo. Déan cinnte de go gcuireann tú doiciméid ar fáil a chruthaíonn cineál do chuid dualgas agus fad do thaithí:

3.1. I gcás obair thuarastail:

• Doiciméid ón bhfostóir reatha agus ó iarfhostóir(í) ina sonraítear cineál agus leibhéal na ndualgas a rinneadh (litreacha ón oifigeach uachtarach, tuarascálacha meastóireachta ina ndéantar cur síos ar do chúraimí, do shainchuntais post a chuir d’fhostóir ar fáil, conarthaí lena n-áirítear cur síos mionsonraithe ar na dualgais a rinneadh, ...)
• Conradh/conarthaí fostaíochta lena ngabhann dáta tosaigh agus dáta deiridh, nó an chéad duillín pá agus an duillín pá deiridh.

Ní mór na doiciméid a dhátú, ceanntásc oifigiúil agus/nó stampa oifigiúil na cuideachta a bheith orthu, chomh maith le hainm agus síniú an duine atá i gceannas.  

3.2. I gcás daoine féinfhostaithe – saorghairmeacha:

• Sonraisc, conarthaí, foirmeacha ordaithe;
• Comhfhreagras ríomhphoist;
• Miontuairiscí cruinnithe;
• Billí cánach;
• Comhaltas comhlachais ghairmiúil.

Ní chuirfear san áireamh dearbhuithe ar onóir ná doiciméid nach gcomhlíonann na ceanglais thuas. Mura gcuireann tú fianaise dhoiciméadach leordhóthanach ar fáil faoin sprioc-am, d’fhéadfaí a mheas nach bhfuil tú incháilithe agus go bhfuil tú eisiata ón gcomórtas ar bhonn easpa doiciméid tacaíochta.

Féadfar dul i dteagmháil le hiarrthóirí trí ríomhphost chun eolas breise nó doiciméid bhreise a iarraidh orthu maidir le dioplóma ar leith nó taithí oibre ar leith.

Is trí do chuntas EPSO ar dtús a chuirfear na treoracha ar fáil maidir leis na trialacha ar ríomhaire a dhéanamh, agus tríd an gconraitheoir seachtrach trí ríomhphost ina dhiaidh sin.